正潮樓

营业中

休息中

朋友同我庆祝生日，原本坚决要留守睇奥运都比佢拉咗黎，佢话呢度有个大电视可以边睇边吃功夫茶衬热饮，茶味不错，前菜有炸花生同菜脯，炸花生好正宗好脆好香～虽然呢度潮式海鲜为主，鱼翅、海参、鲍鱼之类；但系我最想食嘅反而系蚝仔粥同蚝饼，两样菜式都有大大只肥美嘅蚝肉，完美无壳有蚝味；蚝仔量多到每啖都食到。卤水鹅片最显潮州菜式功架，入口肉嫩卤水香唔会太咸，仲有潮州豆腐，呢个水准几抵食。甜品叫左客芝麻落汤钱，系潮州小食，糯米口感香糯黏滑，花生碎有咬口加上椰丝香，好好食。