憶食尚臘味煲仔飯

营业中

休息中

自从去过庙街食又贵又难食的煲仔饭之后，我成日周围去揾边到有好食的煲仔饭。想试左呢间好耐，今次终于的起心肝过去食，好近柯士甸站，佐敦行过去就远啲。必点。广式腊味煲仔饭！用料靓，有广式腊肉，广式鲜肉蜡肠同埋南安板鸭，好香的腊味，待应会过来帮你加葱花加油再捞，特别一赞系饭焦，好香脆。甜蜜咕噜肉。中意食咕噜肉的话值得叫一份，因为佢系拉丝，个糖香做得结身，裹上件咕噜肉。我哋再叫咗个炒芥兰，好重蒜香，而芥兰切到一片片，食到芥兰，平时𠮶种苦涩之外，仲带嚟点点甘香。餐厅环境好舒服，系一家人食饭嘅好去处。