影片
更多
2024-11-20
0 浏览
嚟到尖沙咀一间好高级嘅日本料理，品尝美味嘅omakase, 我哋拣咗$1880嘅套餐，刺身、烧物、炸物、煮物嘅款式都有，非常丰富～前菜：黑梅贝银杏，贝肉爽口入味甘甜～北海道濑尿虾蒸蛋，加入咗濑尿虾，所以特别鲜味、蒸蛋亦都非常香滑～薄切深海池鱼，最适合用呢啲酸酸甜甜嘅醋汁，肉质幼滑细致、味道非常清新～时令秋刀鱼刺身，鱼香味特别浓郁，再加姜葱调味，令到鱼味更加味道提升～厨师亦都摆盘亦非常精致，必定要打卡影相！北寄贝，用清酒同芫荽煮食，非常厚肉鲜甜～呢款生蚝有个名堂「梦追星」，用辣椒萝卜更加带出好味嘅鲜甜～海水味香浓～北海道松叶蟹炸卷，呢款系令我非常有惊喜嘅一道菜，材料除咗松叶蟹肉，仲有蟹膏、洋葱做馅料，炸得香脆不油腻，非常展现到厨师嘅功架～野山狮鱼脂肪分布平均～食落有口感同埋鱼味香浓～腩位脂肪咬落入口即溶，鱼油香喺口腔里面久久未散～仲有一件系烧过再用紫菜夹住，真系食完一嚿都永远记得𠮶种感觉，超级好味！A4近江和牛，茄子和牛肉汤煮过，半生熟嘅状态刚刚好，再有茄子吸收咗和牛香～北海道帆立贝，刺身食得多，厨师将帆立贝半生熟咁炸，中心部份依然柔润鲜甜，名副其实嘅外脆内软～爱知县无花果，炸无花果我都
前菜：黑梅贝银杏，贝肉爽口入味甘甜～
北海道濑尿虾蒸蛋，加入咗濑尿虾，所以特别鲜味、蒸蛋亦都非常香滑～
薄切深海池鱼，最适合用呢啲酸酸甜甜嘅醋汁，肉质幼滑细致、味道非常清新～
时令秋刀鱼刺身，鱼香味特别浓郁，再加姜葱调味，令到鱼味更加味道提升～厨师亦都摆盘亦非常精致，必定要打卡影相！
北寄贝，用清酒同芫荽煮食，非常厚肉鲜甜～
呢款生蚝有个名堂「梦追星」，用辣椒萝卜更加带出好味嘅鲜甜～海水味香浓～
北海道松叶蟹炸卷，呢款系令我非常有惊喜嘅一道菜，材料除咗松叶蟹肉，仲有蟹膏、洋葱做馅料，炸得香脆不油腻，非常展现到厨师嘅功架～
野山狮鱼脂肪分布平均～食落有口感同埋鱼味香浓～腩位脂肪咬落入口即溶，鱼油香喺口腔里面久久未散～
仲有一件系烧过再用紫菜夹住，真系食完一嚿都永远记得𠮶种感觉，超级好味！
A4近江和牛，茄子
和牛肉汤煮过，半生熟嘅状态刚刚好，再有茄子吸收咗和牛香～
北海道帆立贝，刺身食得多，厨师将帆立贝半生熟咁炸，中心部份依然柔润鲜甜，名副其实嘅外脆内软～
爱知县无花果，炸无花果我都系第一次食，又估唔到非常适合，无花果肉汁鲜甜，外脆亦都干身唔会油腻
香鱼煮饭，厨师慢慢咁煎香条鱼，烤至金黄色，再加入甘笋、鸡肉、油扬，饭粒软滑，暖胃一流～
自家制蜜柑啫喱，蜜柑味好浓郁，清新香甜，作结真系非常满足
张贴
