家賀屋

最近突然间又好想食日本嘢，于是约埋朋友一齐喺公众假期之前食餐劲嘅，朋友问我有冇去过铜锣湾呢间家贺屋，我话冇，佢即刻好惊吓，话咁我哋一定要去食呢间，结果食完之后我真系明白点解佢咁推介呢一间。首先呢度装修好有日本风，而且坐得好舒服，啱晒约埋朋友一齐嚟倾偈饮嘢同食嘢。当然啦，呢度嘅服务态度都几好，店员全部都好友善。嘢食方面都十分之高质。盐烧仙台熟成牛舌芯系我食过最好食嘅，可能就系因为系熟成，所以分外嫩，口感超正！之后就叫左海胆龙珠卷，又有海胆又有toro，不过最好食都系个蛋黄，一口食落去个口感超complex，难怪系网上有超高人气！餐厅依家做紧会员优惠，免费登记之后可以优惠价食原只北海道象拔蚌刺身。佢柠檬同柚子人食，特别清新爽口！sushi我地要左我地最钟意嘅深海池鱼同油甘鱼，两款都好肥美好新鲜！三文鱼头汤都好浓郁。之后要埋个生姜烧安格斯牛肉丼定食，平时都系生姜烧豚肉，今次安格斯牛肉，所以更加升华！套餐都有配海带味噌汤、胡蔴田园沙律同曰式炖蛋。饮品方面，我哋就叫咗一杯超大杯嘅巨峰提子乳酸梳打酒，真系一杯都够两个人饮！