Le Petit Saigon

营业中

休息中

越式法包喺越南食过，通常都系喺街边小贩档，感觉都唔系好卫生，因为啲材料放晒出嚟。但呢一间餐厅喺湾仔，就一啲都唔同，非常之卫生干净。佢舖头入边嘅座位唔系好多，只有大约四个位，通常啲人都系买走外卖去食，谂吓谂吓其实买佢去野餐都系一个唔错嘅选择。叫咗呢一个卡式嘅选择有啲腌咗嘅杂菜丝红萝卜、洋葱，仲有一片片嘅扎肉，食起嚟非常之咁清新，冇咁饱肚嘅效果。而且法包烘得超级脆，配衬埋爽脆嘅蔬菜丝，就饭重嘅享受。Philly Steak呢个系期间限量嘅选择，系咪睇到个样都觉得好邪恶但系又好吸引呢？我谂男士会比较钟意，我男朋友爱呢一个就系因为佢超钟意芝士又钟意食肉。一片片腌好咗嘅牛肉片，调味惹味，富有焦香嘅烧烤味，融化咗嘅芝士配衬埋佢个法包超正！呢一个脆薯宝大家都一定要叫，佢每一粒薯宝都炸到好趣，外脆内软，而且点埋佢个辣嘅蛋黄酱，有少少蒜辣香味，好合衬。