山洞食堂

营业中

休息中

今日公司请食饭，所以走左去呢间韩国烤肉店食饭。环境非常新同大，舒服嘅木系风格。当时叫左2个四人餐外加2个汤同2碗大白饭。份量即使系10个人都食得饱。其中有牛嘅唔同部位，猪五花，鸡等。另外奉上免费前菜，包括泡菜，凉拌豆芽波菜等。烤肉肉质唔错，可以食到佢超香油花味，比较推荐牛同鸡。另外，汤品同热食都几唔错下。海鲜辣豆腐汤几多海鲜。最为推荐系佢海鲜煎饼，配料超多海鲜，而且煎饼虽然都脆口唔会好油腻。甜品嘅话唔太甜，系令人舒服。尤其是佢芝士蛋糕同瑞士卷，唔甜，忌廉奶油超香，外加卢荟苹果酱一齐食，认真惊艳。总体而言食物品质几好，环境唔错。值得同亲友一齐试。