尚夢・茳煳 (已結業)

喺公司附近开咗一间新派嘅中菜，放午饭嘅时候人山人海，所以特登放工等冇咁多人既时候去试吓呢间中菜厅位于湾仔谭臣道，直情系我公司隔离，夜晚唔算太多人，所以可以喺宁静嘅环境之下食饭，员工嘅态度同埋招待都非常之好，环境干净。我哋叫咗一个炖汤呢个炖汤嘅特别之处就系下面会有蜡烛，令到个汤不断预热，唔会冷掉。入面有冬瓜瑶柱，再用鸡熬制而成。饮落去又清新解渴🤗叫咗一个香煎龙趸球摆法非常之靓！有五至六块龙趸， 好好食😋佢揸得啱啱好，唔会太重炸粉，入面个龙趸仍然系非常之鲜嫩，下次会再叫😃另外叫咗个茳糊炒饭呢个炒饭嘅特色就系用菜谱、黄瓜🥒、蛋白、杞子炒成。我个人觉得几啱口味，唔系出面食到嘅味道，有少少家乡嘅特色🤩奶油津白厚厚嘅奶油加上白菜，有少少似忌廉嘅味道，但系一齐又唔会唔夹，食完真系好饱肚😃最后食咗个即场手打嘅芝麻糯米糍，唔同啲嘅，比较软滑🥰🥰总结，晚餐同午餐嘅餐牌唔同，晚餐比较高级，同埋正宗，服务我真系觉得好唔错👍🏻👍🏻