潮州軒

营业中

休息中

一间极难book嘅餐厅，每次打嚟都full晒，要提早成个月book，除非坐房，最低消费好似要六千蚊起🙂餐厅服务好好，事先有确认订位亦都有短讯提示当日新宁道入口扶手电梯暂停，建议老人家喺恩平道方向搭䢂，但系估唔到某啲侍应系唔识广东话，要用普通话沟通😂店面唔大，只有约十张枱同埋其他贵宾房，我哋被安排坐喺角落头嘅圆枱，位置好舒适。坐低奉上嘅功夫茶同食完所有嘢之后奉上嘅功夫茶味道系唔同，前者唔会削胃苦涩，后者好甘香比较解腻。卤水拼盘 有鹅肉，鹅肝，大肠，肾，豆腐，鸡蛋，鹅肝有两种唔同嘅口感，一种比较硬身有咬口带甘香，另一种好软糯好滑。鹅肉份量比较少，有啲到喉唔到肺嘅感觉🥲蚝仔烙餐牌有几种蚝仔烙，唔同价钱，我哋叫普通果种，食落鲜嫩湿润，唔会炸到干争争，但食唔出有蚝味。脆炸普宁豆腐附上韭菜盐水， 新鲜炸起点嚟食外脆内 嫩，上面仲配咗炸海苔点缀，一齐食好好味😋脆炸九肚鱼摆盘感觉上同炸普宁豆腐相似，都系有炸海苔点缀，但比较失望系佢将九肚鱼开咗边去炸，应该系为咗起骨方便食客享用，但食落就失咗原条厚身嘅口感🥲凉瓜黄豆腩肉煲凉瓜甘香软淋，同黄豆系绝配，细个有饮过妈咪煲嘅凉瓜黄豆猪骨汤，有种儿时回忆涌出嚟🙂最