影片
更多
2023-03-14
81 浏览
放工黎到尖沙咀约会，系网上揾到呢间隐世居酒屋🏮 SAKEH食物出品有水准，食材由日本新鲜直送，又有咁多款清酒选择，非常高质😍 经openrice book枱仲有全单88折优惠，超抵食✅ 居酒屋位于诺士佛台附近，位置旺中带静，颇为隐世。地下系日式庭园🍃 行楼梯上去一楼就系餐厅~ 室内楼底好高，座位够宽敞，好有空间感。和风布置随处可见，散发浓厚日式风情。虽然位置隐世，但平日放工黎到都好快坐满人，估唔到人气十足🔥 大家记得要book定位呀！餐厅提供多款佐酒小食﹑串烧选择，好多鸡既部分呢度都食到🐓 鸡冠﹑鸡脚根﹑鸡尾﹑提灯等等。清酒menu都有好多款，仲附有详细介绍添，认真细心！Sake♢ 🍶越之鹤 (720ml) $888越之鹤系无滤过原酒，旨味较重，口感丰富。虽然系中取纯米大吟酿，但系味道淡雅辛口，酒味轻柔。开酒前店员比左1set酒杯我地拣，之后倒落清酒瓶，用冰水坐住❄️ 保持冰凉口感，值得一赞！前菜♢ 🦀蟹膏豆腐 $58豆腐滑溜中带有丰富味道。三件豆腐各有特色，除左有蟹肉﹑蟹膏，仲分别配上鱼子酱﹑蟹籽同绿蟹籽，好有心思。♢ 🥒日本产明太子 $98味道浓烈明太子配上青瓜，可以中和辛辣口感，第
居酒屋位于诺士佛台附近，位置旺中带静，颇为隐世。地下系日式庭园🍃 行楼梯上去一楼就系餐厅~ 室内楼底好高，座位够宽敞，好有空间感。和风布置随处可见，散发浓厚日式风情。虽然位置隐世，但平日放工黎到都好快坐满人，估唔到人气十足🔥 大家记得要book定位呀！
餐厅提供多款佐酒小食﹑串烧选择，好多鸡既部分呢度都食到🐓 鸡冠﹑鸡脚根﹑鸡尾﹑提灯等等。清酒menu都有好多款，仲附有详细介绍添，认真细心！Sake
♢ 🍶越之鹤 (720ml) $888
越之鹤系无滤过原酒，旨味较重，口感丰富。虽然系中取纯米大吟酿，但系味道淡雅辛口，酒味轻柔。开酒前店员比左1set酒杯我地拣，之后倒落清酒瓶，用冰水坐住❄️ 保持冰凉口感，值得一赞！
前菜♢ 🦀蟹膏豆腐 $58
豆腐滑溜中带有丰富味道。三件豆腐各有特色，除左有蟹肉﹑蟹膏，仲分别配上鱼子酱﹑蟹籽同绿蟹籽，好有心思。
♢ 🥒日本产明太子 $98味道浓烈明太子配上青瓜，可以中和辛辣口感，第一次试呢个组合，唔错~
海鲜♢ ⭐️南非鲍鱼 $98
原只鲍鱼够大只，肉质爽口弹牙，仲贴心切开几件，贴心方便。
♢ 🦀海胆松叶蟹盖甲罗烧 $138蟹盖装满mix好左既海胆、蟹膏同松叶蟹肉，味道浓郁，香气十足！配上梳打饼一齐食无咁油腻。
♢ 🐠烧日本鱿鱼一夜干 $98高CP值之选！好多件鱿鱼，烧得香口，配上沙律酱更加滋味。
🍢串烧 ‧ 肉类*留意返有D串烧要两串起落单
♢ 荔枝豚肉卷 $36最钟意既串烧组合，清甜荔枝加上猪肉既咸香味道，非常夹！
♢ 鸡肾 $36
鸡肾烧得爽脆，有咀嚼感。
♢ 鸡皮紫苏虾卷 $58
鲜虾剥好壳，用紫苏叶同鸡皮卷住，香口得黎又有层次感。
♢ 鸡皮 $36
第一次见一片片咁炸，口感似炸鱼皮~ 炸得超酥脆！
♢ 自家制免治鸡肉软骨 $55免治鸡肉沟左软骨，有咬口感，配上蛋黄酱同特制酱汁，味道更浓郁。
♢ 烧羊皮 $68好少见到有烧羊皮食！外层炸得香脆，羊皮口感入口即溶。
♢ 纽西兰羊架 $78羊架好厚身，但肉质软腍，呈粉红色，配上秘制酱汁好香口，而且无咩膻味。
♢ 厚烧油扬 $28豆腐炸到好似多士咁脆口！面层洒上七味粉，辛口惹味。
主食♢ 🍚自家制清鸡汤茶渍饭 $78
店员推介呢个主食~ 茶渍饭汤底用左鸡汤同茶，清而甘香，加左芝麻同香葱。
甜品♢ 🍍日本原只水果雪葩 $98
有几款口味可以拣 (柚子﹑桃﹑菠萝﹑椰子)，店员推荐菠萝卖相最IG-able，原个菠萝送上，劲靓！雪葩质感绵滑，菠萝味浓郁又唔会有人工味道，真系将新鲜菠萝整成雪葩，推介必试！
张贴
