正潮樓 (富通大廈)

营业中

休息中

跟同事見完客之後，突然好想食潮州嘢，於是行過去附近一間傳統潮州菜館食晚飯，呢晚叫咗以下菜式：鵝三寶 (鵝掌、鵝翼、鵝肝)鵝掌、鵝翼都滷得入味，唔會過淋，保留到掌及翼獨有嘅彈性及質感，滷水汁香得嚟又唔會過咸，鵝肝食落一啲腥味都冇，入味得嚟仲保持到嫩滑，滷豆腐香滑得嚟仲食到陣陣豆味。糖醋煎伊麵伊麵煎得香脆，底下鋪上韭黃一齊煎，令煎麵添上一份香氣，加上浙醋及砂糖同吃，酸酸甜甜更解膩更開胃。反沙芋頭芋頭很綿很粉很香，砂糖外衣很鬆脆，食落一啲都唔膩，令人愈食愈想食，呢度嘅反沙芋頭絕對係我喺香港食過最出色嘅其中之一。