YAKINIKU KAKURA (黃埔天地聚寶坊)

营业中

休息中

之前食过元朗分店已经觉得呢间烧肉店啲食物好高质， 今次同朋友经过见到黄埔有分店，午餐时段有多款午餐选择， 太挂住呢度嘅大判烧 所以入去食返个优质午餐先😍， 每个午餐定食 都包括白饭，沙律，餐汤，小食，甜品同饮品。黑毛和牛大判烧盛盒： 将烧至六成熟嘅大判烧 沾上蛋浆一齐食超级嫩滑美味 入口即溶， 鹿儿岛和牛裹腹小排 油脂分布均匀 牛味浓郁， 仲有鹿儿岛和牛背未脊肉 油花靓肉汁丰富。海鲜盛盒： 有牛油帆立贝三只+ 海老二只+ 乌贼六片， 几款海鲜鲜甜美味， 佢哋嘅海老系用阿根廷红虾，超大只啖啖肉，肉质弹牙口感丰富。冷面： 配料丰富， 酸酸甜甜带点微辣好惹味， 清凉醒胃👍。值得一提呢到员工服务有礼细心，见我们用手剥虾壳，即时额外送上湿纸巾，感觉贴心。