影片
更多
2024-12-21
564 浏览
多得组员嘅支持，筹备咗差不多半年嘅筹款活动终于顺利完成🍻 为咗好好奖励自己，一于食好啲啲😊 跟朋友仔嚟到 #湾仔 一间 #厨师发办 餐厅「彩羽寿司家」，好好享受一个晚上🤩咪以为厨师发办菜式一定好贵，呢晚我哋就拣咗个套餐「桩 Tsubaki」，每人都只系$880（另加服务费），里面已经包咗 #前菜、#茶碗蒸、，四度 #鱼生刺身、#串烧 五款、#火锅SabuSaBu、六种 #寿司、#鱼汤 同埋 #甜品 🤤 仲要全晚有专人招待，好chill呀！前菜🥢- 脆脆嘅鳕鱼片，点埋加咗蟹籽嘅沙律酱一齐食，淡淡嘅鱼香好松化- 师傅用高糖蕃茄、白芦笋、仙人掌叶、鳕鱼春砌成一个拼盘，精致得嚟味道又清新，啱晒做一个开胃菜茶碗蒸🐣入口有清新嘅柚子味🤤 大大粒嘅蚬肉同埋啲海鲜加埋蛋浆一齐蒸，好鲜味呀刺身🐟- 师傅将刺身 #真鲷🐟，一刀一刀咁切片再送到我哋面前，鱼肉入口充满鱼油香- #大分县蚝🦪 非常肥美，蚝肉加上特制嘅酱油，份外鲜甜- #𩽾𩾌鱼干泡芙 味道好特别，松化嘅泡芙皮，一啖放入口，𩽾𩾌鱼干蓉爆到一口都系，好满足呀- #烟熏富士山三文鱼 上枱嘅时候非常有仪式感，师傅将烟熏化成气球，烟熏味从天而降散落三文鱼上
咪以为厨师发办菜式一定好贵，呢晚我哋就拣咗个套餐「桩 Tsubaki」，每人都只系$880（另加服务费），里面已经包咗 #前菜、#茶碗蒸、，四度 #鱼生刺身、#串烧 五款、#火锅SabuSaBu、六种 #寿司、#鱼汤 同埋 #甜品 🤤 仲要全晚有专人招待，好chill呀！
前菜🥢
- 脆脆嘅鳕鱼片，点埋加咗蟹籽嘅沙律酱一齐食，淡淡嘅鱼香好松化
- 师傅用高糖蕃茄、白芦笋、仙人掌叶、鳕鱼春砌成一个拼盘，精致得嚟味道又清新，啱晒做一个开胃菜
茶碗蒸🐣入口有清新嘅柚子味🤤 大大粒嘅蚬肉同埋啲海鲜加埋蛋浆一齐蒸，好鲜味呀
刺身🐟
- 师傅将刺身 #真鲷🐟，一刀一刀咁切片再送到我哋面前，鱼肉入口充满鱼油香
- #大分县蚝🦪 非常肥美，蚝肉加上特制嘅酱油，份外鲜甜
- #𩽾𩾌鱼干泡芙 味道好特别，松化嘅泡芙皮，一啖放入口，𩽾𩾌鱼干蓉爆到一口都系，好满足呀
- #烟熏富士山三文鱼 上枱嘅时候非常有仪式感，师傅将烟熏化成气球，烟熏味从天而降散落三文鱼上，真系好睇又好食
串烧🍢
师傅将 #虎虾、#鸡翼、#豚肉、#冬菇、#秋葵 放喺烤炉上烤熟，微焦嘅外层，拎食物味道更有层次感
火锅Sabu Sabu
咁冻嘅天气，有个热辣辣嘅火锅非常爽，肉味香浓嘅和牛肉片，配上嫩滑嘅豆腐同粉丝，暖在心
寿司🍣
每次见到师傅即场为我哋做手握寿司，都会睇到 #小秘书 目不转睛，#拖罗、#深海池鱼、#鲭鱼 嘅鱼肉都非常新鲜🤤 大大粒嘅 #带子，一啖一口，口常满足🤤 不得不提系佢哋嘅 #海胆军舰，软绵绵嘅海胆，加上独特嘅海鲜气味，好想再encore呀🤪
其实食到呢度菜已经有十成饱😅 不过见到师傅正在为隔篱枱整紧一个充满东京特色嘅 #彩羽太卷，色彩缤纷之余，材料仲好丰富，里面有 #蛋黄酱油渍、#大拖罗、#小拖罗、#海胆，仲有 #白石青瓜，单系外型已经够吸引🤩 为食嘅我哋当然忍唔住都要嚟一份🤪 师傅以纯熟嘅手艺，将新鲜又色彩缤纷嘅材料，一行一行咁放喺寿司饭上，我哋成晚就好似睇紧表演一样，非常精彩🍻 我哋照师傅嘅建议，将一大旧太卷一次过啪晒入口，食材嘅鲜味一次过涌晒出嚟… 正呀喂🤤🤤
鱼汤🐟 非常鲜甜，充满鱼肉嘅香气🤤 同一般餐厅比嘅面豉汤，味道实在高质好多
嚟到最后，当然要嚟一个精美嘅甜品做总结啦😊 师傅用佢强劲嘅臂弯，配上只会喺卡通片上见到嘅传统式刨冰机，为我哋炮制咗两款 #雪花刨冰，绵绵嘅雪花冰上淋上 #绿茶红豆白玉 同 #士多啤梨 酱料，甜在心嘅口感，最好为呢餐画上完美句号🙏🏼
整体我都非常满意餐厅嘅食物质素，员工嘅服务亦都非常贴心，我哋成晚同师傅有讲有笑，仲学识咗唔少日本食材嘅知识。餐厅装饰简洁，环境清雅，系三五知己聚会嘅好地方🤩
张贴
