影片
更多
2024-08-17
314 浏览
话说牛大人都系小编其中一间最钟意食嘅边炉放题，选择多之余食物质素都唔错，耐冇食都有啲挂住牛大人，所以今日小编就去咗😋-🥩极上和牛吃到饱套餐 ($328)呢个套餐会免费送和牛牛丸，咬落好弹牙，食落亦都好香牛味~🥘汤底见到佢哋有期间限定嘅汤底，所以我哋就叫咗其中一种嚟试，系醍醐蕃茄酸辣锅，呢个配搭好开胃，不过会有少少辣，但系食落好过瘾，而且都有好多蕃茄肉好足料🫶🏻🥩牛肉打边炉最重要梗系牛肉，小编喺呢度同大家介绍吓几款小编觉得呢个套餐里面最好食嘅牛肉~分别系安格斯牛小排、SRF黑牛同澳洲M5和牛，安格斯牛小排系咁多款牛肉里面小编觉得最好食，肉嘅油脂分布好靓好平均，而且咬落去牛味最重，口感软熟🥰其余两种嘅油脂分布同埋肉嘅纹理都好靓！🫔台式小食牛大人其中一样最大嘅特色就系佢哋除咗可以打边炉，仲可以食台式小食，当中小编最推介大家试盐酥鸡同埋台湾香肠，盐酥鸡炸得外脆内软，调味适中唔会太咸，而台湾香肠仲会配上新鲜蒜片，食落去好有台式风味😍🌽自助区及其他火锅配料由于选择真系太多，所以小编重点讲几个好推介大家试吓嘅配料！推介大家试吓台式虾饺、蛋饺仲有佢哋自家制嘅滑，用料几新鲜，而且味道都好好，另外钟意食烟
-
🥩极上和牛吃到饱套餐 ($328)
呢个套餐会免费送和牛牛丸，咬落好弹牙，食落亦都好香牛味~
🥘汤底
见到佢哋有期间限定嘅汤底，所以我哋就叫咗其中一种嚟试，系醍醐蕃茄酸辣锅，呢个配搭好开胃，不过会有少少辣，但系食落好过瘾，而且都有好多蕃茄肉好足料🫶🏻
🥩牛肉
打边炉最重要梗系牛肉，小编喺呢度同大家介绍吓几款小编觉得呢个套餐里面最好食嘅牛肉~
分别系安格斯牛小排、SRF黑牛同澳洲M5和牛，安格斯牛小排系咁多款牛肉里面小编觉得最好食，肉嘅油脂分布好靓好平均，而且咬落去牛味最重，口感软熟🥰其余两种嘅油脂分布同埋肉嘅纹理都好靓！
🫔台式小食
牛大人其中一样最大嘅特色就系佢哋除咗可以打边炉，仲可以食台式小食，当中小编最推介大家试盐酥鸡同埋台湾香肠，盐酥鸡炸得外脆内软，调味适中唔会太咸，而台湾香肠仲会配上新鲜蒜片，食落去好有台式风味😍
🌽自助区及其他火锅配料
由于选择真系太多，所以小编重点讲几个好推介大家试吓嘅配料！
推介大家试吓台式虾饺、蛋饺仲有佢哋自家制嘅滑，用料几新鲜，而且味道都好好，另外钟意食烟烟韧韧口感嘅都可以试吓佢哋嘅手工大黑轮，食落真系好软熟同埋烟靭🤓
嗌麻辣汤底嘅都可以再嗌佢哋嘅鸭血，同麻辣汤底真系好夹，至于蔬菜，小编好推荐大家嗌水莲，呢个系台湾火锅先有得嗌，唔系度度都有得食🤣
🍸饮品
除咗出边嘅自助饮品可以饮到佢哋嘅自家冷泡茶，同一啲台湾生产嘅饮品例如麦香之外，仲有啲付费饮料可以拣，小编见到有得试Hoegaarden嘅白桃啤酒就即刻嗌咗杯，饮落白桃味好香，感觉好清新，几有惊喜🍑
🍦甜品
一样都系选择好多，除咗雪糕仲有得食仙草，小编仲见到呢排有得任食Dreyer’s嘅甜筒同雪条，仲要系开心果味😍
今次小编食嘅系荃湾分店，好多其他地方都有牛大人嘅分店，荃湾店有啲二人位都会好似小编咁可以坐卡位，仲可以望得到荃湾夜景😙
个人觉得呢个价钱食到咁多种选择同埋质素都唔错嘅食物，性价比都算高，钟意食台式火锅嘅话，呢度真系唔错嘅选择！
味道 8/10
服务 7/10
环境 8/10
回头率8/10
总评 8/10😋🤍
人均消费 $360💰
-
📍 牛大人台湾火锅吃到饱(荃湾)
荃湾众安街55号大鸿辉(荃湾)中心16楼
#米食荃湾 #米打边炉 #米食台湾菜 #荃湾美食
张贴
