山

营业中

休息中

今日去咗铜锣湾耀华街YAMA食lunch，餐厅位于大厦高层景色都算唔错。餐厅以日式山林庭园为主题，装修摆设都系以简木系和植物为主，睇得出系，装修同食物摆盘都好有心思。沙律沙律有青瓜、沙律菜同车里茄，味道唔错。茶碗蒸茶碗蒸有松叶蟹肉同三文鱼籽，入口嫩滑。A4宫崎和牛主食摆盘成个富士山，十分吸睛，配有蒜片、岩盐、辣萝卜蓉同烧汁，和牛入口即溶，非常美味。我另外加钱转左稻庭乌冬，乌冬入口顺滑。甜品甜品每日新鲜即制，拿破仑口感松化香脆，牛油味香浓，上面有士多啤梨、大福皮同红豆蓉，而中间就夹住椰子雪糕，店员提议分开两层食，可以有不同嘅滋味，上层大福皮口感软糯，红豆配大福皮就系经典配搭，加上士多啤梨中和甜度，十分好食。而下层椰子雪糕，味道香浓，口感绵滑。餐饮餐饮可以拣绿茶同咖啡，我地就拣咗绿茶，可以解一解腻。