和牛燒肉‧純

营业中

休息中

终于有个理由可以去食豪少少，今日中午拣左呢间食靓牛，相比夜晚，中午比较抵食。入面地方大，分左好多房仔同卡位，好有私人空间，座位相当宽敞，满满日式风格，环境好舒适，慢慢坐慢慢烧。食物质素好好，新鲜美味，真系豪一餐系值得。不过以咁既级数餐厅黎讲，服务就一般般，可能刚开舖又已经几多人黎，由入门口到比钱几个侍应都目无表情。今次两个午餐，每人大约$240。前菜 味噌汤 饮品沙律好新鲜配上醋汁，够哂开胃。仲有两块牛舌，好淋好入味。味噌汤好足料，味道有别于一般。三色和牛定食 $250有上牛排肉，肩眼肉同牛排肉，每款有三块，色泽红润，雪花分布平均，浓浓嘅牛肉味，入口溶溶地嘅感觉，同系日本食烧肉时差唔多，配埋跟餐嘅日本饭食会无腻。自选烧肉午餐 $170呢个就拣左日本产猪五花肉和牛红肉，五花肉比想像中出色，酱汁好入味。迷你牛腩乌冬辣辣地好惹味，牛腩好淋身好香口，仲有啲蛋花系到。