立鮨 (金馬倫廣場)

营业中

休息中

立鮨寿司食材一向有质素保证，几个月无嚟，估唔到尖沙咀分店依家都有凳坐，可以坐低慢慢食😋✨三文鱼籽军舰一粒粒晶莹剔透嘅三文鱼籽满泻碟上，建议将成个军舰一淡放入口，可以感受到全部鱼籽一次过喺口中爆发嘅震撼，非常新鲜，毫无腥味。✨大满足海胆特盛（迷你）新鲜绵密嘅海胆叠喺已预先调好味嘅寿司饭上，比例刚好，每一淡都喺大满足。✨ 火炙大吞拿鱼腩海苔寿司肥美嘅大吞拿鱼腩经过火炙，入口即溶，鱼油香慢慢渗入口腔，配上海苔令口感层次更丰富。✨火炙左口鱼边寿司火炙处理将左口鱼边寿司推向另一层次，浓浓嘅脂香渗入寿司饭中互相协调。✨北海道特大珍宝带子寿司特大珍宝带子肉质厚实嫩滑，将寿司饭重重包围，口感更佳。✨原只活赤贝寿司肉质新鲜爽口。✨珍宝甜虾寿司虾肉鲜甜嫩滑，虾尾已预先剥去，方便进食。