高知駅

营业中

休息中

等朋友喺中环放工，朋友介绍话呢间居酒屋d野食好唔错，于是今晚决定去呢间日本居酒屋食dinner。一入到去日本老板好热情，介绍特色野食比我地，我地就叫咗几招牌菜。先黎一个开胃菜先，野菜炖牛舌，炖得好淋好入味。烧虎虾， 蒜蓉汁同呢间店嘅特制汁，虾壳烧到脆卜卜，好香虾味，个汁同虾都非常夹。鲣鱼他他，系用大葱，明河，味噌，酱油一齐捞埋食，好fresh,好青新。烧日本播磨白珠牡蛎，师傅用话清酒同自家制浜烧汁一齐烧，只蚝非常肥美，好鲜甜，配埋个汁都好惹味。稻草熏烤鲣鱼，师傅系用日本稻草烧再烟熏一下，老板话同埋大蒜丝夹埋烧坚鱼一齐食，点埋佢地嘅秘制酱汁，鲣鱼外面熏得好香，鲣鱼非常新鲜，都系第1次食，非常唔错。去居酒屋唔少得叫d酒饮吓，我比较钟意饮甜d嘅酒，就叫咗白桃浊酒，好香白桃味，酒精浓度唔算太高，好啱女仔饮。