鍾爺爺海鮮火鍋刺身專門店

营业中

休息中

好多人钟意食台式或者日式火锅，我就话港式火锅先系世一！今次去咗钟爷爷海鲜火锅，点咗个蕃茄薯仔坑腩锅，虽然只系汤底，但系坑腩嘅质素真系非常好，肉质鲜嫩，个蕃茄汤底亦都够浓够味。配料方面款式够多海鲜、手切牛肉等都一应俱全，可惜两个人嚟试唔到咁多野。第一样推荐佢哋嘅牛筋丸同牛胸爽，咬落去好爽脆弹牙，口感一流。再加埋新鲜嘅脆鲩，配埋蕃茄汤底更加鲜甜！整体嚟讲，钟爷爷装修可能唔系最靓最舒服，但系汤底同食材都值得一试。尤其是一大班人，冬天一齐围埋打边炉啱晒！