天丼てんや

营业中

休息中

平时经过天丼见好多人排队就会放弃，今晚夜一夜到左青衣城，去到见无咩人排队唔驶等，所以决定去帮衬。餐牌简单得两页图文并茂，美食选择有限，以天妇罗为主，天妇罗整得水准不俗，论价钱和美味度，真系觉得物有所值，好抵食。巨星天丼 $79(黑虎虾、帆立贝、鱿鱼、蟹柳、紫菜、本菇、四季豆)天妇罗炸浆粉唔厚而且炸得松脆，黑虎虾大只爽口弹牙，紫菜出奇地炸到脆卜卜，鱿鱼软淋淋好嚼，本菇爽口仲有水份，食完唔觉油腻，好味。华味鸟天丼 $68(华味鸟鸡肉、华味鸟鸡肉丸、莲藕、四季豆、温泉日本蛋)半熟流心蛋加酱汁捞饭好好味，饭粒粒分明，鸡肉鸡肉丸都好够味，莲藕片薄脆，整体味道OK。面豉汤 跟餐面豉汤味浓好够味，汤里好多大葱，唔错。