鍾爺爺海鮮火鍋刺身專門店

营业中

休息中

最近听到好多人介绍呢间火锅，今日咁啱嚟到太子，咁就一于嚟试吓啦。呢度嘅汤底价钱好平，唔使约埋一大班朋友share，就算系两个人食都好抵。而且佢嘅配料价钱都好平，$30 40就叫到新鲜嘅手打丸啦。一嚟到见到呢度已经好多客人，但佢嘅位几阔落，坐得都好舒服，不过大家想黎嘅话应该要book枱先比较好。我哋叫咗个鸳鸯汤底，分别系沙嗲汤同埋皮蛋芫荽豆腐汤。我自己就觉得个皮蛋芫荽汤好出色，因为纹络好新鲜好开胃，而我朋友就钟意沙嗲汤，食落唔系太辣，大人小朋友都食得。我哋叫咗个手切颈脊肥牛，一上枱已经见到佢嘅牛好靓，食落好重牛味，而且好新鲜，就咁用清汤都好好食呀。而我最欣赏嘅就系呢个脆鲩片，因为价钱好平只系$48 ，而且食落好新鲜，又脆又有鱼味。而且呢间餐厅嘅大啤酒都好平， Sapporo $28就有一支啦，啱晒一大班朋友一路打边炉一路饮啤酒，倾一晚计。呢间餐厅价钱又平，食物质素又高，所有嘢都好新鲜，唔怪得咁高评价啦，迟啲我都一定会再黎呀。