漁火海鮮刺身火鍋

营业中

休息中

同朋友庆生,去打边炉,因打边炉系佢至爱。渔火食材优质,冇令我失望。我地叫左个招牌汤底,有花胶,又有响螺,滋补又好食,响螺有咬口。我地叫左特大蛏子,一d沙都冇,放去汤到滚8秒就食得,弹牙清爽,而d蚬肉又系好大只,唔错唔错!叫左泰式生虾刺身,佢既生虾酱汁有微甜、酸辣同微辣既风味,点完个酱汁,先食到虎虾既鲜美,跟住就食到生虾酱汁既复杂风味,好味道。至于小食系百花酿油条,餐厅用左花枝浆加上新鲜既海虾仁调制,酿入酥脆的油条,外层酥脆内馅饱满弹牙,系好有风味既小食。而打边炉当然唔少得牛颈脊啦!呢碟肉好有肉味,好食,大满足。店员不时帮我地换碟加茶,好服务呀!