影片
更多
2022-04-23
1302 浏览
上星期日同镜粉食呢间AK/Jer/肥仔开嘅串烧店。本身我哋见到啲食评咁多正评，都谂紧系咪因为啲粉丝滤镜；结果唔系啰，真心好食！首先记得网上预约。我去𠮶日个场就满客嘅，但唔好问我难唔难book，因为其实我都系朋友个朋友book咗但嚟唔到，所以我先有机会试到😂餐厅有吧枱位同卡位；本身我哋想坐卡位，但被安排坐吧枱位。不过后来发现坐吧枱位其实都几光，几方便影相！同埋厨师会主动帮我哋影相，另外店员服务态度都非常好，好落力帮客人加水收碟，值得称赞👍🏻除此之外，不得不提嘅系佢个厕所好高质！虽然得一格，但系有Aesop嘅洗手液同hand cream，仲有CK香水同埋漱口水比客人用，超级贴心💯虽然呢间系明星店，但食物质素绝对对得住个价钱！星期六、日及公众假期午市最低人均消费$300。我哋食以下食物加一支蜜桃梳打$48 总共$816，人均食咗$408，食到好饱呀🤰🏻🐓鸡汤系带著超级浓郁鸡味嘅welcome汤，饮到底仲会见到啲腐皮喺入边😉🍢串烧鸡提灯 $48母鸡嘅输卵管，真系罕有到我都唔够胆食，朋友话质地偏硬。另外仲有粒未孵化嘅蛋🌝鸡冠串 $42 够晒罕有，爽口好食，唔惊嘅可以试吓👍🏻月见烧鸡肉棒 $58点
首先记得网上预约。我去𠮶日个场就满客嘅，但唔好问我难唔难book，因为其实我都系朋友个朋友book咗但嚟唔到，所以我先有机会试到😂
餐厅有吧枱位同卡位；本身我哋想坐卡位，但被安排坐吧枱位。不过后来发现坐吧枱位其实都几光，几方便影相！同埋厨师会主动帮我哋影相，另外店员服务态度都非常好，好落力帮客人加水收碟，值得称赞👍🏻
除此之外，不得不提嘅系佢个厕所好高质！虽然得一格，但系有Aesop嘅洗手液同hand cream，仲有CK香水同埋漱口水比客人用，超级贴心💯
虽然呢间系明星店，但食物质素绝对对得住个价钱！星期六、日及公众假期午市最低人均消费$300。我哋食以下食物加一支蜜桃梳打$48 总共$816，人均食咗$408，食到好饱呀🤰🏻
🐓鸡汤
系带著超级浓郁鸡味嘅welcome汤，饮到底仲会见到啲腐皮喺入边😉
🍢串烧
鸡提灯 $48
母鸡嘅输卵管，真系罕有到我都唔够胆食，朋友话质地偏硬。另外仲有粒未孵化嘅蛋🌝
鸡冠串 $42
够晒罕有，爽口好食，唔惊嘅可以试吓👍🏻
月见烧鸡肉棒 $58
点埋个日本生鸡蛋食，照烧鸡肉食落口更加香滑😋
豚肉苹果串 $42
苹果嘅果酸令到豚肉更香甜可口；好有惊喜，要试🤗
盐烧牛舌 $78
最怕啲牛舌太韧，呢个就咬到嘅，但略嫌有啲咸🤭
烧鸡心串 $42
望到疑似血管嘅物体，食落似肝嘅质地，可以一试🙌🏻
盐烧鸡尾 $42
即系鸡pat pat，系软稔稔嘅pat pat脂肪，出奇意料地好味，都值得一试🤟🏻
🥖味噌鸡肝酱伴法包 $88
个法包本身好香蒜蓉牛油味，加埋个质地有啲似芝士酱、无咩腥臭内脏味嘅味增鸡肝酱，真系好好食🤤
🤍鸡皮稻庭乌冬 $98
有好多块脆口得来烟烟韧韧嘅鸡皮，同埋好弹牙嘅扁身稻庭乌冬。由于有好多京葱，所以唔喜欢食葱嘅朋友就觉得个汤有阵葱味，但我就觉得个汤好清甜👍🏻
🐟唐扬池鱼仔 $58
呢个送酒一流！份量多，食到我怀疑自己前世系猫！池鱼仔炸得非常香口，无咩骨，鱼肉都几嫩😽
🔮九龙球 6粒 $98
订座时候要book定嘅打卡甜品，其实系水果蒟蒻球配黑蜜糖水，每粒球都有唔同嘅水果，例如士多啤梨、蓝莓、提子。相比之下，呢个甜品比咸食有啲失色🙃
张贴
