銀座炎蔵燒肉

营业中

休息中

早排生日紧系要同朋友食餐好西，拣左位于D2嘅银座炎藏烧肉，试下佢地D和牛好唔好食。餐厅都坐得几阔落，装修都几摩登。而野食选择都几多，牛都有好多特别部位拣，另外仲有唔同肉类同主菜、小食等等，都几多元化。今次拣左炎藏和牛「极致」6点拼盘，有足足六款牛肉，全部都系和牛，唔同部位、唔同切法，口感亦都有所不同，但系共通点都系冇筋唔会韧，充满油脂香，点少少烧肉汁或者海盐已经好好食。另外仲叫左日本产鸡腿肉，好有鸡味，鸡肉亦都好嫩滑，唔错。跟住叫左个炎藏沙律想解一解油腻感，菜非常新鲜，够refreshing!食烧肉惯左送饭，叫左月见紫菜饭，标榜用左兰王蛋，捞饭食劲正！叫埋杯白桃汽泡酒，够晒满足！整体食物质素都拍得住日本，埋单一千蚊，性价比唔错。