影片
更多
2024-11-11
542 浏览
同细妹出尖沙咀行街，佢话之前同朋友去过鮨一觉得好食新鲜得嚟最好系亲民价，所以就带我上去食个丰富LUNCH。餐厅系日式居酒屋装潢，有吧枱、四人座位同埋包厢，整体上座位都算阔落，坐得都好舒服。食物选择都有好多，刺身、丼饭、烧物、日式料理…等等，日本居酒屋有嘅都可以话食得到，系选择困难症情况下，我决定交俾细妹话事，我就坐定定等食。我地先嚟一个LUNCH SET 五色刺身定食，定食仲包埋面豉汤、沙律、茶蒸蛋同埋小吃，我地仲将个饭升级转为赤醋饭添。刺身方面有赤虾、三文鱼、八爪鱼、油金鱼、带子，款款都够晒新鲜，而且刺身厚切，口感非常丰富。之后就嚟一个佢地嘅招牌之一嘅鮨一千层海胆饭，一层层嘅劲多日本海胆加埋拖罗蓉造成一座塔咁，单睇卖相都已经相当吸睛，入口仲更加要赞不绝口，海胆非常新鲜，味道浓郁得嚟仲好嫩滑，加埋肥美嘅拖罗蓉，再用紫菜包著佢地一齐食，真系劲好味，非常后悔只系叫左一份细嘅嚟食呀！秋刀鱼刺身就系店员姐姐推荐俾我地嘅，佢话依家系秋刀鱼当造季节，期间限定一定要试。真系冇介绍错，除左卖相好靓之外，师傅嘅刀功真系一绝，薄切得嚟仲要件件差唔多SIZE。当然味道就更加好，超新鲜得嚟仲要一啲腥味都冇。唔
餐厅系日式居酒屋装潢，有吧枱、四人座位同埋包厢，整体上座位都算阔落，坐得都好舒服。
食物选择都有好多，刺身、丼饭、烧物、日式料理…等等，日本居酒屋有嘅都可以话食得到，系选择困难症情况下，我决定交俾细妹话事，我就坐定定等食。
我地先嚟一个LUNCH SET 五色刺身定食，定食仲包埋面豉汤、沙律、茶蒸蛋同埋小吃，我地仲将个饭升级转为赤醋饭添。
刺身方面有赤虾、三文鱼、八爪鱼、油金鱼、带子，款款都够晒新鲜，而且刺身厚切，口感非常丰富。
之后就嚟一个佢地嘅招牌之一嘅鮨一千层海胆饭，一层层嘅劲多日本海胆加埋拖罗蓉造成一座塔咁，单睇卖相都已经相当吸睛，入口仲更加要赞不绝口，海胆非常新鲜，味道浓郁得嚟仲好嫩滑，加埋肥美嘅拖罗蓉，再用紫菜包著佢地一齐食，真系劲好味，非常后悔只系叫左一份细嘅嚟食呀！
秋刀鱼刺身就系店员姐姐推荐俾我地嘅，佢话依家系秋刀鱼当造季节，期间限定一定要试。真系冇介绍错，除左卖相好靓之外，师傅嘅刀功真系一绝，薄切得嚟仲要件件差唔多SIZE。当然味道就更加好，超新鲜得嚟仲要一啲腥味都冇。唔洗点附设嘅姜葱酱油都食得到鱼香味十足，完全颠覆左我对秋刀鱼嘅感觉。
来嚟一份日本安康鱼肝，依个「海中肥鹅肝」口感既柔软又幼滑，完全系有入口即溶感觉，而且仲带有满满油脂香添。
味噌煮牛舌都好好食，佢个味增汤味道适中，厚切嘅牛舌燘得好入味，而质地相当柔软，一啲都唔靭。
最后就嚟一串自家制嘅免治鸡肉串烧，非常嫩滑口感而鸡肉质地柔软，表面微焦，入面都可以保持到JUICY，配埋日本鸡蛋酱汁一齐食，令到味觉更加丰富。
张贴
