笑酤和味炭燒 (The Pulse) (已結業)

同朋友放假去浅水湾游水，游完水之后就去咗浅水湾新开嘅商场度行吓同埋医肚，发现咗有串烧嘅日本餐厅！啲座位好宽阔，餐厅嘅装修优雅，仲有埋房仔可以三五知己一齐去食饭～ 我哋就坐咗喺落地玻璃窗边，享受宁静嘅晚上！我哋叫咗和牛乌冬(RIBEYE UDON)，寿司拼盘十贯（Sushi Platter) ，烧牛舌（OX Tongue)，烧海鳗（Grilled Eel) 和牛乌冬既和牛好好味！真系超级滑，侍应上菜嘅时候个和牛仲系粉红粉红，可以自己滚到钟意嘅熟度，乌冬都好弹牙！寿司拼盘十贯有三文鱼，白身鱼，拖罗，鱼子同埋海胆，全部都好新鲜好好味！特别系鱼子同海胆！真心好正！大赞烧牛舌，烧得超级香！系超级弹牙保留到入边嘅肉汁！真系必食之选烧海鳗都烧得特别香脆，成个海鳗好香口，第一次食呢一种口感！超级美味！