深宵食堂

营业中

休息中

今晚行过旺角，见到一间餐厅叫深宵食堂，印象即刻返晒嚟。记得呢个餐厅味道唔错，唔使谂，一于入去开餐。餐厅装修日本风味，服务员好有礼貌。先嚟嘅系～盐烧牛舌串烧同和牛串烧真系无得弹。啲肉质好嫩好多汁，烤得刚刚好，盐烧味道亦都好香好浓。然后，我哋再嚟嘅～盐烧三文鱼鳍同日本炒椰菜亦都好正。三文鱼鳍烤得好酥脆，肉质鲜嫩。而炒椰菜就保持咗蔬菜嘅鲜甜，加咗啲日本调味料，好爽口好开胃。最后，叫咗个饱肚嘅～汁烧鳕鱼樱花虾石头饭，真系好满足。鳕鱼肉质好嫩滑，配埋加埋啲樱花虾，味道更加浓郁，而石头饭嘅饭焦，好有口感。加埋～日本啤酒，味道清爽，微微苦嘅味道，同菜式都好夹。总括嚟讲，这间餐厅嘅食物质素唔错，菜单上嘅选择亦都好多。呢度绝对系个值得一试嘅地方。下次再去旺角，我一定会再嚟呢度食嘢。