黑門水產すいさん (棉登徑)

营业中

休息中

今日午餐同男朋友食豪啲，黎到尖沙咀食日本料理。刺身六盛有三文鱼、立鱼、油甘鱼、海胆、吞拿鱼、带子。全部都好新鲜又甜美，而且系厚切，食到舔舔脷。黑门令大渔鱼子酱脆脆包好好食，脆包上铺左一层吞拿鱼蓉，吞拿鱼蓉上面再铺左海胆、鱼子酱、虾、三文鱼籽、蟹籽，十分丰富。海胆炒饭劲足料，除左海胆，仲有三文鱼、鱿鱼等材料，样样份量十足，绝不欺场。赤鬼海老天反卷又系好足料，铺满三文鱼籽同蟹籽，好满足。矶烧岩手蚝一本，有人会帮你烧埋，蚝超肥美，啖啖肉。黑门令蟹味噌甲罗烧卖相吸引，配紫菜梳打饼食，蟹味劲出，好浓味，正。海底之心由伏特加、菠萝、白桃、梳打、蓝色糖浆制成，一啲都唔苦，岩女仔饮。Highball就酒味浓啲，男朋友话饮到有威士忌。