家賀屋刺身寿司專門店

好钟意食日本嘢，所以今次拣咗湾仔家贺屋！😋 同朋友嚟食所以可以叫多啲😛首先，我地食咗特选海鲜丼定食，入面嘅海鲜种类多元仲要全部都大大份😋 新鲜美味，包括咗各款鱼生、虾、海胆等海鲜，配上白饭，真系好正。除咗依个，我仲嚟咗炸三文鱼皮，酥脆可口，加埋酱汁更加美味。最惊喜嘅系𩽾𩾌鱼肝沙律，鲜美嘅鱼肝搭配沙律蔬菜，口感绵密，估唔到可以衬沙律食😍 真系好正！作为一个钟意食刺身嘅人，我当然唔会错过佢哋嘅特选刺身盛啦🤩 盘子上摆满咗新鲜嘅刺身，包括咗各款鱼生😍😍 每一口都系享受😛除咗美食，家贺屋嘅酒水都值得推介🍻 我拣咗佢哋嘅snowball cocktail同巨峰提子碳酸酒。前者系一款以白兰地为基底嘅鸡尾酒，口感清新，后者就系一款清爽嘅碳酸酒，巨峰提子嘅甜味同气泡相得益彰🍇 非常开胃❤️餐厅嘅氛围舒适，而且服务态度都好好添！如果你都钟意食日本嘢，不如嚟一嚟试下家贺屋啦。😛 仲可以储mee分架💛