炑

营业中

休息中

朋友今晚带我去食Omakase，晚市订位竟然有折，整晚望住厨师精心烹调每一道菜好像一场表演一样，Omakase就有这个福利。濑尿虾茶碗蒸，蒸蛋嫩滑，濑尿虾鲜甜，配上柚子皮、百合、冬菇口感丰富。薄切鲷鱼可以跟花瓣/Wasabi一齐食，摆盘好像一幅画，仲可以加D香葱豉油带出鲜味。炸薯仔波波配上食用金箔三文鱼子，下面系鲜甜松叶蟹肉，口感丰富。季节食材有秋刀鱼刺身，非常新鲜，可以加啲葱酱油一齐食。香葱丝配活内紫贝，一定要饮埋啲汤，好鲜甜，上层系葱丝嘅香味，下层活内紫贝爽口弹牙。北海道生蚝🦪肥美多汁，配上特制调味更好味。大吞拿鱼经火烧一烧暖暖哋，配上大葱粒在上面一齐食，再配上非常之脆嘅紫菜，一手放入口，一啖过更滋味，非常肥美。天妇罗无花果可以加少少盐食，引返个香味出嚟，一咸一甜，原来又好夹。无花果炸完后果味更浓。香鱼汉字「鲇」，烧干鱼之后，盐烤是最常见也最简单的做法，在洗净的鱼身洒上薄薄一层盐巴，呢个饭充满鱼香味。自家制金箔芝麻朱古力，里面有啲脆脆米粒，口感烟韧，好似有少少海盐味。