Amitie Kitchen

营业中

休息中

第一次去Amitie Kitchen 食西餐，有情调，坐位唔多，坐得舒服，当晚全场满座，好彩朋友一早订咗枱！一坐低就有热几款餐包上枱，面包控既我，忍唔住即刻攞嚟食，正😋！火炙半熟三文鱼半紫苏叶莎莎$148，三文鱼外层火炙微熟，内层鱼肉保持嫩滑，加上紫苏叶莎莎及沙律菜，即时胃口大开。辣蕃茄花甲天使面$198，蕃茄味香浓，微辣好惹味，花甲大只无沙又新鲜。美国顶级西冷牛扒$318，煎煎到五成熟，肉质鲜嫩又好有牛肉味，份量十足，两个人都够食，伴菜也新鲜。法式橙酒煮班戟做甜品$58，橙味浓郁，班戟配雪糕一齐食，一冷一热，好特别。冻开心果咖啡$46 ，开心果味道浓郁，好满足，朋友叫咗杯香橙气泡咖啡$40，味道清新。