影片
更多
2025-02-22
0 浏览
新年食得多中菜，终于可以食其他菜式，泰菜我们来也。好彩有订位，坐坐下都几乎满坐，仲坐到侧边圆形卡位，坐得舒服。友人唔食得辣，今晚改饮椰子鸡汤 ($138)，呢个细份量，都够2-3人饮用。材料除咗有鸡件外，仲有大量菇，加入香叶与椰奶一齐煲，淡淡椰香味唔会过腻，要趁热饮多碗。呢客姜汁炒芥兰 ($98)，炒得够爽脆，无一条有渣，份量相当对眼。炸物代表系泰式炸物拼盘($238)，包括炸鱼饼，虾饼，咖喱角及鸡翼，阵容相当鼎盛。炸虾饼相当扎实，表面唔油，点泰式酸辣酱食，岩数。仲有咖喱角，皮脆内系咖哩馅料，点千岛酱食都好味㖞。点都需要D淀粉质，就叫咗呢客甜酸鳯尾虾金边粉 ($128)金边粉份量都唔少，味道酸酸甜甜好易入口，碟边仲有炸蒜/辣椒籽/砂糖配食。虾只唔算太大但入口几弹牙。呢度有相当多嘅特饮，大部份都卖相吸引，就好似今晚呢杯:泰牛($68)，一半系泰奶，一半系泰奶冰，而只咁得意嘅熊仔系由茶整成嘅，保证饮到最后一啖都系冰冻同够茶味。绿茶鲜奶($58)，用只菠萝型状嘅杯装住，上绿下白，搞均下就变成绿茶鲜奶，轻微绿茶味但几香滑。泰菜甜品大佬芒果糯米饭呢度都有。但被呢客彩虹椰汁糕 ($50)所吸引。颜
好彩有订位，坐坐下都几乎满坐，仲坐到侧边圆形卡位，坐得舒服。
友人唔食得辣，今晚改饮椰子鸡汤 ($138)，呢个细份量，都够2-3人饮用。
材料除咗有鸡件外，仲有大量菇，加入香叶与椰奶一齐煲，淡淡椰香味唔会过腻，要趁热饮多碗。
呢客姜汁炒芥兰 ($98)，炒得够爽脆，无一条有渣，份量相当对眼。
炸物代表系泰式炸物拼盘($238)，包括炸鱼饼，虾饼，咖喱角及鸡翼，阵容相当鼎盛。
炸虾饼相当扎实，表面唔油，点泰式酸辣酱食，岩数。
仲有咖喱角，皮脆内系咖哩馅料，点千岛酱食都好味㖞。
点都需要D淀粉质，就叫咗呢客甜酸鳯尾虾金边粉 ($128)
金边粉份量都唔少，味道酸酸甜甜好易入口，碟边仲有炸蒜/辣椒籽/砂糖配食。虾只唔算太大但入口几弹牙。
呢度有相当多嘅特饮，大部份都卖相吸引，就好似今晚呢杯:泰牛($68)，一半系泰奶，一半系泰奶冰，而只咁得意嘅熊仔系由茶整成嘅，保证饮到最后一啖都系冰冻同够茶味。
绿茶鲜奶($58)，用只菠萝型状嘅杯装住，上绿下白，搞均下就变成绿茶鲜奶，轻微绿茶味但几香滑。
泰菜甜品大佬芒果糯米饭呢度都有。但被呢客彩虹椰汁糕 ($50)所吸引。颜色卖相系打咭恩物，真身其实系椰汁糕，入口软糯，甜度刚好，再写埋D字系隔离，系”合皮扭耳”呀。
张贴
