影片
更多
2024-10-14
180 浏览
相约好耐无见嘅同学饭聚，地点由读书时期已系康乐组组员安排，不要问，只要跟队….哈哈。就系呢间食泰国越南菜，半开放格局，呢排微凉天气都几舒服。大家七咀八舌，每人都有想食嘅菜式，打头阵系呢客酸辣椰奶鸡汤 ($118)，奶白色汤中浮起几只红辣椒干。味道有香浓椰奶香味，但又有点酸辣。食到鸡肉，草菇，车厘茄及香叶。比起冬荫公嘅酸辣味无咁呛鼻，几易令人上瘾。欢喜食泰式柚子沙律 ($118)，好多时食泰菜都会叫。呢度嘅柚子每粒都涨卜卜，酸甜又爆汁，加埋花生及炸蒜，丰富咗唔同口感。仲有两只弹牙大虾，淋上酸甜汁，又系惹人胃口嘅。有食物当然要配返杯特色冻饮，除咗传统泰式饮品，呢度仲有Beer/Cocktail/Mocktail/Coffee等等。被同学中呢两杯无酒精饮品外型所吸引…………….又跟叫。Pineapple Sky ($78)及Lemongrass Mojito ($78)。前者充满菠萝嘅香甜味，再加埋橙及青柠嘅香酸味，酸甜果味几开胃。而配合泰菜主题，加埋香茅嘅Mojito，望落已经感有清爽感觉，饮落又有气感，so good!炒菜都有几款煮法，有辣有唔辣。食开马拉盏通菜($98)就照跟。加入虾米
大家七咀八舌，每人都有想食嘅菜式，打头阵系呢客酸辣椰奶鸡汤 ($118)，奶白色汤中浮起几只红辣椒干。
味道有香浓椰奶香味，但又有点酸辣。食到鸡肉，草菇，车厘茄及香叶。比起冬荫公嘅酸辣味无咁呛鼻，几易令人上瘾。
欢喜食泰式柚子沙律 ($118)，好多时食泰菜都会叫。
呢度嘅柚子每粒都涨卜卜，酸甜又爆汁，加埋花生及炸蒜，丰富咗唔同口感。仲有两只弹牙大虾，淋上酸甜汁，又系惹人胃口嘅。
有食物当然要配返杯特色冻饮，除咗传统泰式饮品，呢度仲有Beer/Cocktail/Mocktail/Coffee等等。被同学中呢两杯无酒精饮品外型所吸引…………….又跟叫。Pineapple Sky ($78)及Lemongrass Mojito ($78)。前者充满菠萝嘅香甜味，再加埋橙及青柠嘅香酸味，酸甜果味几开胃。而配合泰菜主题，加埋香茅嘅Mojito，望落已经感有清爽感觉，饮落又有气感，so good!
炒菜都有几款煮法，有辣有唔辣。食开马拉盏通菜($98)就照跟。加入虾米及豆酱快炒，唔辣又惹味。
主菜泰式马沙文咖喱，可选牛 ($148)/羊腿 ($198)。马沙文咖喱系泰式著名四种咖喱之一，以姜黄粉，芫茜籽等带有辣味嘅香料，但辣度轻微，以咖喱香甜为主口。
选择牛肉，煮得够腍，仲有其他配料如薯仔，洋葱，花生及最特别食到莲子及栗子。白饭同咖喱系永远嘅CP，又点少得白饭呢?!
呢客炭烧香茅西冷牛肉 ($138)，阵容唔野少，系牛魔王同学点选嘅。
将西冷牛肉薄片卷住条香茅，另跟款淡口版嘅沙嗲汁。入口肉嫩，好易将肉同香茅分离，加埋个汁系好衬嘅。
另外仲有生菜及炸蒜粒米粉，又可以配另个酸辣汁包住食，满足呀。呢度侍应以英文沟通，落单以菜式号码就搞掂，大部份热情有礼，所以比较多外国人帮衬，下次可以同其他朋友再黎。
张贴
