影片
港铁尖沙咀/尖東站 P1 出口
继续阅读
电话号码
22056018
开饭介绍
主打的越南及泰式料理足料以传统风味为主；而餐厅以红、绿色为主调，装潢糅合怀旧及摩登感觉，在这里用餐别有一番风味。
继续阅读
营业时间
今日营业
08:00 - 22:30
星期一至日
08:00 - 22:30
公众假期
08:00 - 22:30
公众假期前夕
08:00 - 22:30
以上资料只供参考，请与餐厅确认详情
有关奖赏计划
Ruên Thai & Vietnamese @ruenhk 📍：尖沙咀麼地道66號尖沙咀中心地下G38-G39 及 G45-G48號舖🚗：尖沙咀地鐵P1出口 步行6分鐘📞：+852 2205-6018💲：~HKD350/head for dinnerFood quality✔️：馬沙文咖哩魷魚釀豬肉、椰子雪糕👌🏼：鹽焗燒羅非魚、雞肉串燒、Virgin Lemongrass Mojito總結：😋尖東海傍越泰餐廳🍴環境格調一流食物都唔錯 適合約會慶祝😋整餐我最鐘意食佢嘅甜品 椰子雪糕 喜歡佢食入口係顆粒狀 每啖都食到粒粒椰子🥥 雖然略甜但以椰子雪糕嚟計我接受😋呢間啲醬汁都唔錯 香料味好足 馬沙文咖哩🍛好香椰子味 辣度都適宜唔會太辣 雖然餡料嘅魷魚釀豬肉就普通啲 同埋熱上會更開心😋環境有格調 好有氣氛 裝修得靚👍🏼🤔鹽焗燒羅非魚同雞肉串燒主食就正常 我喜歡佢配以生菜包 用生菜包住魚/雞配埋蘸醬嘅麵同芫茜香草 又幾好食🤤🤔飲品種類多 酒精非酒精都係 試咗mocktail Virgin Lemongrass Mojito 呢杯就正常😨座位都多 而且閒日計都頗爆場 樓面員工唔少但都做到無停手 所以舉手都冇人即時回應你 建議請多幾個人🥺
继续阅读
約咗朋友今晚放工嚟呢度食飯輕鬆吓，傾吓偈，餐廳位置近海皮，環境又真係唔錯，好relax！1） 泰式柚子沙律 $118每次食泰菜都好鍾意嗌柚子沙律，就係因為佢夠開胃，但係有時會喺餐廳食到啲比較酸嘅柚子沙律。嘅柚子沙律一啲都唔酸，柚子仲係甜度好高，配埋花生、紅洋蔥粒，同埋蕃茄仔，再加啲酸酸「尾尾」嘅沙律汁，非常好食！2） 菠蘿海鮮炒飯 $138滿滿嘅一盤菠蘿海鮮炒飯！兩個人真係食唔晒啊！菠蘿海鮮炒飯材料好豐富，除咗菠蘿同海鮮之外，仲有啲提子乾、腰果、肉鬆一齊炒，令到個炒飯更加飽肚感up!3） 馬沙文咖喱魷魚釀豬肉 $148 + 蒜蓉包 $58第一次食唔辣嘅紅咖喱。好特別喎，見到係魷魚筒入面釀咗啲免治豬肉入去，完全唔知道泰菜係會咁樣整法。咖喱汁雖然唔辣，但係都好惹味，同蒜蓉包好夾！4） 炒蟹肉鹹蛋 $238呢個餸係喺廚師特別推介嘅Menu度揀嘅。呢個配搭又真係好新鮮喎！用原隻蟹肉、原隻鵪鶉蛋，加埋鹹蛋黃汁，同埋配菜去炒，啲汁甜甜地鹹鹹地。同樣，啲汁用嚟點蒜蓉包好正！呢個餸用嚟送飯都一流！5） 燉蛋黑糯米 $88好有創意嘅一道甜品，喺泰式甜品當中真係從未試過呢種食法。既有燉蛋嘅蛋香味、又有充滿椰香嘅爽脆椰絲，再加上暖暖哋嘅甜黑糯米嘅煙靭口感，層次真係好豐富呀！侍應態度好親切、好殷勤，態度又友善 。天氣涼涼哋喺度吹吓海風食住晚飯，感覺好舒服，簡直似係happy Friday，而唔係Blue Monday啊！
继续阅读
今次我地放假出街輕鬆下，去左尖沙咀果邊，行下星光大道hea下，咁樣又一日，尖東呢頭都唔太熟，呢間餐廳我地見環境幾正，有情調得黎又有d外國氣息，就揀左係度食😌呢間餐廳雖然有偏歐洲風格，佢其實係一間越泰菜既餐廳，裡面燈光偏暗，每枱自己都有盞燈，坐得舒服，店員都幾好客，佢地都係講英文，不過menu有中文，叫餸驚講英文，可以講個餸既number，輕鬆叫餐😆炭燒香茅西冷牛肉 （$138）呢個牛肉幾有特色，佢係燒牛肉包住條香茅上，之後有生菜，檬粉，同薄荷葉，佢有兩款醬點黎食，一款係花生醬，一款似海南雞飯既辣醬，牛肉燒得好香，肉質夠嫩，夾埋所有配料食幾有風味😋黑椒炭燒雞 ($118)呢個炭燒雞係兩塊大雞扒黎，唔係雞件，佢燒得好靚，完全冇燒到乾，雞肉鎖住肉汁，有好香既黑椒味，配埋食雞最夾既泰式辣醬仲正🐥泰式乾炒河粉 （$138）呢個炒河粉可以自己揀豬牛雞其中一款，全部同樣價錢，我地揀左牛肉，佢d餸都唔少，好多菜，肉都有好多塊，炒得唔錯👍菠蘿海鮮炒飯 ($138)菠蘿炒飯佢裝得勁滿，入面勁多海鮮，非常足料，個炒飯炒得夠乾身，菠蘿肉都幾新鮮，整體做得好好🍍Rainbow Float ($78)呢個環境食飯，我地就叫左杯Mocktail，呢杯rainbow float就係用左幾款水果整成既，分別有芒果，菠蘿，橙，椰子，同石榴，非常夏日既一杯飲品，依家咁熱岩曬🍹呢間餐廳環境好正，好少去呢類餐廳食飯，所以我感覺幾好，食物質素都唔錯，個燒牛肉最出色，員工夠殷勤，價錢我覺得配呢個環境就算平，同平時既泰菜餐廳差唔多，所以我都幾鐘意呢間餐廳，會有下次😛
继续阅读
嚟到尖東海旁，有好多好特別嘅餐廳，而呢間Ruen Thai & Vietnamese可以食泰菜之餘，又係開放式餐廳，可以一邊食美食，一邊欣賞靚景，就更加perfect！1️⃣Taro Milkshake ($78)先order咗呢款芋頭奶昔，都幾大杯！上面唧滿Cream，好fancy，係打卡之選奶香比較出，芋頭味尚算濃郁！2️⃣Beef Salad ($148)呢款牛肉沙律真係幾正，估唔到有咁多塊牛！牛半生熟，可以食到較煙韌嘅口感，亦有淡淡牛味，加埋青瓜同酸辣味，泰國味道就出曬嚟，作為開胃菜幾好！3️⃣ Grilled Pork Neck ($108)最愛食嘅燒豬頸肉，呢個價錢呢個份量，又幾抵喎！豬頸肉肥瘦均勻，加埋甜得嚟又濃稠嘅醬汁，蘸落好掛汁，係非常惹味嘅一款烤肉！4️⃣ Crab Omelette ($168)蟹肉奄列都係傳統泰式美食，煎過炸過嘅蛋漿，味道好濃，而當中有唔少嘅蟹肉絲，又令成個dish唔會變得太過油膩，再加埋一鹹一甜兩款辣醬，食落就更加可口！5️⃣ Cashew Chicken ($138)呢款係腰果炒雞肉，有啲似中式煮法，有種宮保雞丁嘅感覺，但係用嘅配菜又係好元化嘅，除咗腰果外，仲有鷹咀豆、筍條、辣椒等等，配搭得好好，亦好惹味，酸酸辣辣咁，會令人食唔停口！
继续阅读
店舖位置就腳，環境靚，次次嚟都見好多外國人食。炭燒香茅西冷牛肉 Nhue Yang Takrai全晚最鍾意嘅菜式，比串燒更正。燒得啱啱好，一啲都唔柴。而且似五到七成熟，牛味好濃郁。米粉團可以點辣醬夾生菜食，好清新嘅東南亞感覺。泰式黑糯米飯拌燉蛋 Khao Niao Dam Sangkaya好吸精嘅甜品，淡黃色配搭紫色，感覺好歡樂。上層嫩滑，下層煙韌，幾有層次。椰絲斑蘭丸子布丁 Yok MaNi有成三份咁多，上枱嚇一嚇。丸子似好好咬嘅西米，食落滑溜，咀嚼有咬口，充滿班蘭味好香。
继续阅读
您可能会有兴趣的...