影片
更多
2024-11-08
658 浏览
我家嘅架叽冷话想食潮洲嘢，于是就上网揾下，最后就揾到依间新开嘅潮州菜馆，所以就趁去湾仔买嘢嘅时候就拍拖去食个午餐。一打开电梯就见到好多明星合照(感觉自己都高级左好多…哈哈)，除左大堂座位之外，都有几间厢房，整体感觉都坐得好舒服，唔会有逼夹感。先嚟送上功夫茶同咸菜等我地醒醒胃。我地先叫左两款蒸点先嚟潮式虾饺皇，外皮晶莹剔透，内里鲜虾馅料都真材实料，虾肉弹牙又大大粒，口感非常丰富。潮州蒸粉果嘅外皮同虾饺一样晶莹透薄，内里馅料同样好丰富，有韮菜、木耳、花生、猪肉碎、白萝卜等，入口非常清新爽口，对于平日唔太爱吃粉果嘅我都觉得非常好味呀！潮州食物又点少得卤水鹅肝鹅肉，个卤水好香而且唔会过咸，而鹅肉同鹅肝都卤得入晒味。老公话个鹅肉片嘅鹅味好浓，而佢嘅肉质鲜嫩带有少少鹅油香。鹅肉片已经好好，不过鹅肝对我嚟讲就更加吸引，味道甘香而且口感非常粉绵，质地都好嫩滑，完全可以用入口即化，虽然邪恶不过真系食唔停口呀。 当然唔好睇少伴碟嘅炸豆腐，吸收晒卤水个味之余仲够晒嫩滑，可以话系另一亮点。再嚟一人一碗高汤鸡炖翅，真材实料得嚟可以话系惊喜之选，汤底鸡鲜味浓郁而清甜，完全唔会有油感。翅方面就劲足料，一大排排嘅鱼翅
一打开电梯就见到好多明星合照(感觉自己都高级左好多…哈哈)，除左大堂座位之外，都有几间厢房，整体感觉都坐得好舒服，唔会有逼夹感。
先嚟送上功夫茶同咸菜等我地醒醒胃。
我地先叫左两款蒸点
先嚟潮式虾饺皇，外皮晶莹剔透，内里鲜虾馅料都真材实料，虾肉弹牙又大大粒，口感非常丰富。
潮州蒸粉果嘅外皮同虾饺一样晶莹透薄，内里馅料同样好丰富，有韮菜、木耳、花生、猪肉碎、白萝卜等，入口非常清新爽口，对于平日唔太爱吃粉果嘅我都觉得非常好味呀！
潮州食物又点少得卤水鹅肝鹅肉，个卤水好香而且唔会过咸，而鹅肉同鹅肝都卤得入晒味。老公话个鹅肉片嘅鹅味好浓，而佢嘅肉质鲜嫩带有少少鹅油香。鹅肉片已经好好，不过鹅肝对我嚟讲就更加吸引，味道甘香而且口感非常粉绵，质地都好嫩滑，完全可以用入口即化，虽然邪恶不过真系食唔停口呀。 当然唔好睇少伴碟嘅炸豆腐，吸收晒卤水个味之余仲够晒嫩滑，可以话系另一亮点。
再嚟一人一碗高汤鸡炖翅，真材实料得嚟可以话系惊喜之选，汤底鸡鲜味浓郁而清甜，完全唔会有油感。翅方面就劲足料，一大排排嘅鱼翅仲要超弹牙，真系冇得输，完全系一种食嘅享受。
最后就嚟两碗潮州特色 清心丸绿豆爽，清心丸口感软糯，配上粒粒绿豆爽，清甜得嚟又有口感丰富，唔错。
张贴
