火薈中日火鍋

营业中

休息中

今晚逛花街时，多口问声花店老板附近有乜好食，老板推荐咗呢间火荟中日火锅。点咗个鲍鱼龙虾套餐，有1只龙虾、蛏子、海中虾、花甲、2只大连鲍鱼、蔬菜篮、稻庭乌冬、安格斯牛肉、响铃同手打三宝丸。老板真系好介绍，火荟啲嘢真系几得。龙虾同海虾上枱时仲系鲜活嘅，蛏子、鲍鱼同蚬都好新鲜，简单灼一灼就好好味。配埋番茄薯仔嘅汤底，真系好滑嫩香甜。响铃系即炸，会跟个酸甜酱汁，我哋试咗当小食咁即食同配火锅，都好好味。佢哋1份有4件，刚刚好。火荟嘅好多野都系自家制，劲like 佢个雪梨水，打边炉饮呢个雪冻咗雪梨水，好解渴又好滋润。呢个套餐六百几蚊超抵食，我哋仲另外叫咗2杯椰子雪芭，用个椰壳装住好特别，椰味好浓郁，份量几大杯。除咗大厅，火荟仲有独立房同卡位，好适合公司聚会同三五知己。