湘舍壹號

营业中

休息中

国内好有名气嘅湘菜馆「湘舍壹号」早前喺香港湾仔华美粤海酒店开咗分店，餐厅装潢以黑色同宝石绿为主调，颇有格调。入座后首先系选茶，普洱、雾尖同菊花之中拣咗菊花，菊花清香、杞子微甜。小食有红薯片，因为系焗制所以冇咁热气。点咗午市二人套餐：两份前菜、四样主菜、一样主食同一款甜品。 凉拌黑木耳酸辣爽口嘅黑木耳非常开胃，醋同辣椒嘅比例刚刚好。 烧椒皮蛋初次接触呢样菜色，好特别。将皮蛋压成蓉，捞埋烧过嘅青辣椒，咸鲜可口。 芙蓉镇米豆腐用大米磨成米浆熬煮成「米豆腐」，阵阵米香。加上辣肉碎，增加层次。 农家小炒肉青辣椒炒肉片，镬气十足。肉片脆口，青辣椒肉厚香甜。 烟熏腊肉今次系用辣椒干制作，笋丝索晒酱汁，非常惹味。有机花菜椰菜花炒得好嫩，唔会太腍。 小米青稞饼烟烟韧韧，口感软糯，好香米味。 是日甜品食完咁多辣味菜色，最后食埋个甜品可以中和味觉，清甜得嚟够滋润。