影片
更多
2025-01-22
0 浏览
呢间舖头朋友想试好耐，我哋今次一人三行终于book左枱。入到去嘅感觉已经觉得好似好年青咁样，最咪有好多黑胶唱片摆设，感觉真系好地道。生拆蟹粉伴北京拉面($298): 见到隔篱枱食，所以自己又想试吓，感觉好隆重。上菜嘅时候餐厅同事话会配上10年嘅女儿红喺上边喷几下，会提升佢嘅鲜味。喷完之后真系好香酒味，但系食落去嘅时候就冇乜感觉。蟹粉本身以为面上边已经系咁多，但系原来仲有成碗，配上北京拉面嘅幼面可以每一条都挂到嘅汁，而且再加少少醋咁样食，真系好似食紧大闸蟹咁样，呢个价钱绝对抵食。韩辣鸡卡邦尼配五花肉($198): 自己都几钟意呢一个，首先佢嘅面好烟靭，配上少少辣味加埋泡菜，但成件事又好creamy。五花肉亦首先煎得好香，少少肥肉配上辣味，感觉好新奇。小食我哋嗌咗日本和牛粒配喜马拉雅山岩盐($128): 啲和牛粒加埋有成返牛扒咁多，本身肉质靓，配上少少盐同埋胡椒已经够晒啦。甜品叫咗紫薯麻糬巴斯克蛋糕($78): 本身以为佢嘅麻糬会系好烟靭𠮶种，但系呢一个麻糬系喺巴斯克蛋糕嘅底，食落去有少少甜甜地好似酱咁。紫薯味亦都唔算太突出，但系胜在自家制，份量都还算可以。饮品，净系叫咗两杯:Love C
生拆蟹粉伴北京拉面($298): 见到隔篱枱食，所以自己又想试吓，感觉好隆重。上菜嘅时候餐厅同事话会配上10年嘅女儿红喺上边喷几下，会提升佢嘅鲜味。喷完之后真系好香酒味，但系食落去嘅时候就冇乜感觉。蟹粉本身以为面上边已经系咁多，但系原来仲有成碗，配上北京拉面嘅幼面可以每一条都挂到嘅汁，而且再加少少醋咁样食，真系好似食紧大闸蟹咁样，呢个价钱绝对抵食。
韩辣鸡卡邦尼配五花肉($198): 自己都几钟意呢一个，首先佢嘅面好烟靭，配上少少辣味加埋泡菜，但成件事又好creamy。五花肉亦首先煎得好香，少少肥肉配上辣味，感觉好新奇。
小食我哋嗌咗日本和牛粒配喜马拉雅山岩盐($128): 啲和牛粒加埋有成返牛扒咁多，本身肉质靓，配上少少盐同埋胡椒已经够晒啦。
甜品叫咗紫薯麻糬巴斯克蛋糕($78): 本身以为佢嘅麻糬会系好烟靭𠮶种，但系呢一个麻糬系喺巴斯克蛋糕嘅底，食落去有少少甜甜地好似酱咁。紫薯味亦都唔算太突出，但系胜在自家制，份量都还算可以。
饮品，净系叫咗两杯:
Love Craft Cold IPA ($88): 冇出边嘅IP A咁苦，亦带有少少甜味，女仔都算易入口嘅。
Green Giant($78): 呢一杯纯粹系smoothie，有羽衣甘蓝，牛油果，青苹果，香蕉同埋菠萝。饮得出嚟好足料嘅，所以其实去到最后我同朋友都系就咁平分咗佢就算啦，太饱了。
总结：餐厅本身嘢食选择都算多，但系地方唔算好大，可能三五知己聚埋一齐就够啦，如果要大班人嘅话就唔太适合了。食物质素亦都还可以，以香港普遍嘅Cafe嚟讲都算系高质。
张贴
