影片
更多
2023-11-15
68 浏览
💁♀️💁♂️ 9/11/2023(Thu), Dinner🍽💁♀️为食妙妙同💁A先生忙完🙎♂️小朋友嘅呈分试之后，决定要食返餐好嘅慰劳一下作为家长嘅付出🤣。今次我哋拣咗太和附近嘅一间好神秘嘅餐厅 - 燚 ，佢嘅门面就系一度木门，从外面完全睇唔到餐厅嘅内部，神秘得嚟私隐度又高😎。餐厅系食偏fusion嘅铁板烧，由酒店前主厨主理，食物嘅烹煮方式同摆盘都比一般铁板烧精致😍。餐厅座位唔多，大约都系6个铁板烧位另外再加两张卡位，坐得舒服唔会迫狭，适合庆祝生日🎂或者纪念日，而当晚坐喺铁板烧位嘅3对食客就正正系黎庆祝。可惜我哋迟咗订位，坐唔到铁板烧位，只能坐卡位，唔可以边食边睇厨师煮铁板烧嘅情况。不过厨师都好好人👍👍👍，喺佢忙完铁板烧枱嘅客人之后都有嚟问返食物嘅意见，又会讲多啲食物嘅煮法。总括嚟讲今晚系个好好嘅体验，下次要早多少少订铁板烧枱嘅位边睇厨师煮边食。而今晚我地order咗🍽：🔆 入门8道菜厨师发办套餐（$688/person）🍽️ 沙律（烟三文鱼沙律）咸香嘅烟三文鱼卷住新鲜爽脆嘅沙律菜，伴碟有车厘茄、龙珠果同埋一啲白色泡泡🫧。简简单单咁，但唔见有沙律汁嘅？！其实厨师上菜时已经介绍咗碟上面嘅泡
💁♀️为食妙妙同💁A先生忙完🙎♂️小朋友嘅呈分试之后，决定要食返餐好嘅慰劳一下作为家长嘅付出🤣。今次我哋拣咗太和附近嘅一间好神秘嘅餐厅 - 燚 ，佢嘅门面就系一度木门，从外面完全睇唔到餐厅嘅内部，神秘得嚟私隐度又高😎。
餐厅系食偏fusion嘅铁板烧，由酒店前主厨主理，食物嘅烹煮方式同摆盘都比一般铁板烧精致😍。餐厅座位唔多，大约都系6个铁板烧位另外再加两张卡位，坐得舒服唔会迫狭，适合庆祝生日🎂或者纪念日，而当晚坐喺铁板烧位嘅3对食客就正正系黎庆祝。可惜我哋迟咗订位，坐唔到铁板烧位，只能坐卡位，唔可以边食边睇厨师煮铁板烧嘅情况。不过厨师都好好人👍👍👍，喺佢忙完铁板烧枱嘅客人之后都有嚟问返食物嘅意见，又会讲多啲食物嘅煮法。
总括嚟讲今晚系个好好嘅体验，下次要早多少少订铁板烧枱嘅位边睇厨师煮边食。
而今晚我地order咗🍽：
🔆 入门8道菜厨师发办套餐（$688/person）
🍽️ 沙律（烟三文鱼沙律）
咸香嘅烟三文鱼卷住新鲜爽脆嘅沙律菜，伴碟有车厘茄、龙珠果同埋一啲白色泡泡🫧。简简单单咁，但唔见有沙律汁嘅？！其实厨师上菜时已经介绍咗碟上面嘅泡泡🫧就系黑醋泡泡🫧，可以当沙律汁咁捞埋一齐入口。呢个安排几特别，有啲份子料理嘅感觉。
🍽️ 前菜（鹅肝冻）
由上面到下面每层分别系：金箔鱼子酱、菠萝肉、鹅肝冻同埋菠萝果蓉，一咸一甜咁互相间隔。入口味道口感同样丰富，有粒粒咸咸哋嘅鱼子酱，加上香甜菠萝🍍片同果蓉，再连埋幼滑嘅鹅肝。一啖有晒咁多种味道，菠萝🍍嘅清甜解咗鹅肝嘅腻，配合得好好👍🏻。
🍽️ 铁板海鲜两品（扇贝、东星斑、鲍鱼x2）
海鲜方面每人有两款，今晚我哋两个set总共食到3款，包括有扇贝、东星斑同埋鲍鱼，配竹炭盐同埋柚子泡泡。
扇贝铁板烧过之后配黑松露牛油，入口扇贝刚熟嫩滑，再加上黑松露嘅香气，十分吸引。东星斑鱼肉都好大件厚肉，简简单单食返鱼肉嘅鲜嫩。最有惊喜嘅就系鲍鱼，配上蒜蓉去铁板烧，每位有2只，虽然唔系太大只，但厨师煮得刚刚好，肉质弹牙而且入味，我哋都食得好满意。
🍽️ 铁板肉类一品（日本鸡肉、日本豚肉）
至于肉类就每个set有一款，厨师安排咗俾我哋嘅分别系日本鸡肉同埋日本豚肉，配蒜香牛油汁同竹炭盐，同一粒切成蘑菇🍄形状嘅车厘子萝卜。
鸡肉皮脆肉嫩，入口弹牙而且充满肉汁，仲有一个厨师秘制嘅微辣酱汁，食落香口惹味。至于豚肉就系厚切嘅，猪肉好怕煮过咗火会干柴，呢度就无呢个问题，有肉味得嚟仲好有肉汁。豚肉都配有一个秘制酱汁，呢一款就甜甜酸酸，开胃又解腻。
🍽️ 炒饭（海胆炒饭）
炒饭炒得干身爽口，饭粒炒得粒粒分明，再放上一片海胆喺饭上面，食嘅时候将海胆同炒饭拌匀，令到海胆嘅鲜甜味渗入饭粒入面，再加埋脆口嘅牛油渣粒粒，味道同口感都一流👍🏻。
🍽️ 汤（手打黑豚肉丸面豉汤）
面豉汤味道唔会死咸，加埋昆布同埋手打嘅黑豚肉丸，带出一啲鲜甜味道。手打肉丸入口松化唔死实，喺食完咁丰富嘅铁板烧之后食都唔会觉得太大负担，整个汤品饮落系顺喉舒服嘅。
🍽️ 甜品（吉士红豆🫘可丽饼）
由饼皮到吉士再到红豆🫘都系自家制嘅，甜度控制得宜，所以食落唔会觉得过甜。饼皮比一般烟韧，而红豆🫘蓉嘅红豆🫘味香浓。作为红豆🫘控嘅A先生十分满意👍🏻！
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：9/🔟
❤🙆♀️(为食妙妙)整体食评：9/🔟
👉🏻 私隐度高嘅fusion铁板烧餐厅，适合几个人嘅细group组合食饭或者庆祝
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(4/5)
👉🏻 餐厅附近就有唔少表位🅿️，等一等好快有得泊
👉🏻 太和站或者大埔中心行过嚟都系10分钟左右路程，交通尚算方便
🔆🔆🔆🔆🔆🔆🔆🔆🔆🔆🔆🔆🔆
张贴
