銀座炎蔵燒肉

营业中

休息中

自从去完日本之后，好耐冇食烧肉，食烧肉一定要食日本过江龙😍🌟 餐厅有专业认证级别的和牛供应，搭配传统烤肉工艺。每一碟嘅肉质颜色口感都系一流，记得唔好烧过火，否则就浪费晒！炎藏和牛「极致」6点拼盘成个摆盘都好靓，师傅精心摆放，和牛鞍下、和牛上等肋肉、和牛龟之甲、和牛芯芯、上后腰脊肉、和牛唐辛子，全部都系靓靓位置。和牛鞍下系最正㗎👍🏻脂肪比例丰富雪花状态，轻轻烧几秒反转再烧，就要食㗎啦如果唔系会熟过龙。六种和牛部位各有特色，全部都好有牛肉香，满足到大家需要。羽下系稀有部位，油脂分布形状细致、均匀，形似羽毛😝 油腻降低嫩度升级，真系超好食❤️ 口感好软嫩。由于油脂比例高用嚟送饭真系好正！紫菜饭食烧肉真系唔可以唔配饭😋疯狂食牛牛虽然好食，但系会觉得好油腻，配啲饭隔开下又系另外一种享受。龙虾沙律比想像中好食，上面嘅龙虾虾肉超多！本身以为系蓉，咬落先知入面有一粒粒嘅龙虾肉，粒粒分明，沙律配上柚子醋酸酸甜甜配和牛都系超正。