Chueca

营业中

休息中

放假去中西区行街，咁啱行过歌赋街见到有间蓝色外墙嘅餐厅几吸引，就入去试下。餐厅主打西班牙菜，食物高质，环境阔落，坐得几舒服。餐厅装修充满异国情调，高贵典雅，墙身都用蓝白色作主调，喺一堆旧建筑入面显得特别抢眼，好远已经望到。今次叫咗佢个brunch，头盘系海鲜拼盘。拼盘嘅摆法精致，食材新鲜又丰富，最惊艳嘅系美国波士顿龙虾，啖啖肉之余仲劲多蟹膏。主餐叫咗红虾意大利饭，意大利饭鲜甜美味，意大利米柔软而烟韧，食落好有咬感，龙虾汁都好足够。而佢采用嘅红虾原产地都系来自于西班牙，完全可以食到真正西班牙风味餐。最后甜品拣咗芝士蛋糕。呢度嘅芝士蛋糕口感好特别，用红苺酱放顶，同平时食开嘅好唔一样，不过酱汁略甜，盖过原本嘅芝士味。