Porterhouse - Seafood & Steak

营业中

休息中

今日同屋企人嚟到中环食Porterhouse，佢哋出咗一个三至四人餐，价钱系$1880，套餐好丰富，我哋谂都唔谂二话不说就拣咗佢。-首先我哋拣咗生蚝，生蚝足足有8只，每只都好肥美新鲜，加上柠檬汁同埋干葱红酒汁，食落更加鲜味。-跟住嘅龙虾汤真系好打卡able好有仪式感，店员起我哋面前上去，又疗愈又唯美。龙虾汤味浓郁，有少少忌廉，令佢个汤变得更加绵滑。-然后系香蒜青口罗勒汁青口，青口同样肥美鲜味 ，有好浓郁嘅蒜香味，配埋啲面包食好正，食落更加有层次感。-然后系我最期待嘅steak，我拣咗USA steak，我叫左5成熟。上枱啱啱好，睇落非常香嫩，打完卡影完相之后，店员会再帮我切开，切开睇到入面PinkPink色，真系好吸引，而且牛肉系一边系牛柳，一边系肉眼，所以可以享受到唔同部位嘅口感同浓厚度，另外仲忌廉菠菜 ，薯条同埋芝士焗通心粉等等嘅配菜亦都好出色。-最后甜品方面都好华丽，有柠檬蛋糕、士多啤梨奶冻、朱古力流心焦糖挞，同埋蛋白饼配士多啤梨，每一餐饭有甜品作结先至系最完美。