LAB EAT Restaurant & Bar (金巴利道)

营业中

休息中

今日黎到尖沙咀呢间Lab eat食个晚餐，餐厅阔落，情调十足。开枝香槟仔饮下，另外前菜就有清酒啫喱车厘茄、牛肉他他、粟米浓汤，主菜系龙虾海鲜意大利饭，甜品系栗子卷。清酒啫喱车厘茄食落清新，清一清个喉咙准备今晚既晚餐，车厘茄第一啖食落甜甜地好似食水果咁，之后就系一阵清新既味道，酒味唔浓，唔惊第一道菜就醉左，之后系生牛肉他他，一向少食生牛肉既我撒底改观，牛肉配埋脆脆既面包，口感一软一硬感觉一流。再上枱既系粟米浓汤，creamy就不在话下，配埋舖系面既忌廉更显鲜甜。主菜龙虾海鲜意大利饭，睇得出餐厅既诚意，饭都有两只色，黑色既应该系用墨鱼汁，而橙色应该系龙虾汁，意大利饭配有龙虾尾、青口、大蚬，碟边重有好几粒鱼籽增强口感，我自己就钟意橙色果边，钟意佢更加鲜味。甜品系栗子卷，栗子卷有上面除左有朱古力，重有金箔更显贵气，而栗子卷下面就有雪巴系底，虽然食落酸酸地冻冻地，不过食完就觉得好完满。