Here Thai Market

营业中

休息中

沙田新世纪广场呢边开咗一间新嘅泰国菜，由米芝莲泰国厨司主理，即刻去品尝下。🇹🇭安格斯牛肉船面 $128俾小朋友食，所以点了走辣。果然名不虚传，船面汤底味道超级浓郁，但系唔会咸。除咗有安格斯牛肉片，仲有牛丸，牛筋同牛肋条炆得软腍，非常好食，汤都饮晒。如果加啲辣一定更加惹味。🇹🇭蟹肉炒饭 $168外面嘅蟹肉炒饭只有几旧蟹肉，但系呢间正嘅喺蟹肉炒饭系超多蟹肉，覆盖一整个饭面。炒饭同鸡蛋火候掌握得非常之好，金黄色粒粒分明。🇹🇭鸡全翼两串 $48必须要点串烧，鸡翼用胡椒粒同香草调味，烧得刚好唔会嚡口。🇹🇭泰式椰奶咖啡 $34泰式咖啡特饮，醇厚好饮。🇹🇭燕窝芋圆斑斓奶冻 $68特登点呢一款比较特别嘅甜品，出边餐厅未试过。底下系白色椰奶冻，加埋斑斓浆，有芋圆同埋燕窝，非常适合女士食。总括来讲，餐厅好大，座位阔落，新派泰国style靓装修。食物好食有特色，好值得推介。