影片
更多
2023-09-03
33 浏览
好友最近从外国返港，劲挂住日本菜嘅佢，今晚就带佢黎到上环嘅「鮨燐」，食返餐高质Omakase聚下先🤭餐厅提供3款dinner sets，我同朋友就拣咗食最贵果个set ($1880/人，另加一)，包前菜、7款刺身、2款和食、6种寿司、汤同甜品😁 餐厅环境虽小，但全场坐满客人，可见餐厅人气之高👍 想食嘅话就记住订枱呀~前菜- 日本黄栗米: 粟米粒粒饱满，而且皮薄，口感清甜爽脆- 花竹虾、秋葵配柚子面豉酱: 花竹虾几弹牙，食落浓香得黎带点柚子清香，味道层次丰富- 蕃茄配冲绳水云: 蕃茄几鲜甜，水云黏滑，加入醋酸酸甜甜，好开胃7款刺身- 深海池鱼: 肉质鲜嫩细致，油脂丰腴，入口甘香鲜甜。可以点酸汁或者豉油加wasabi食，能提升鱼肉嘅鲜味- 北海道紫针海胆: 原只新鲜上😍 味道清雅鲜甜、入口即化，令人再三回味好想encore呀！- 沙甸鱼: 师傅用紫菜将沙甸鱼、黄萝卜、紫苏叶及芽葱卷起来，整成色彩缤纷嘅沙甸鱼卷😋 鱼肉鲜美爽甜，食落唔觉得太油腻，反而仲丰富咗口感- 北海道昆布森生蚝: 生蚝肥美饱满，一啖入口滑溜，配土佐醋啫喱，令生蚝嘅味道更浓厚鲜甜，叫人食指大动- 银鳕鱼: 第一次食刺身级别
餐厅提供3款dinner sets，我同朋友就拣咗食最贵果个set ($1880/人，另加一)，包前菜、7款刺身、2款和食、6种寿司、汤同甜品😁 餐厅环境虽小，但全场坐满客人，可见餐厅人气之高👍 想食嘅话就记住订枱呀~
前菜- 日本黄栗米: 粟米粒粒饱满，而且皮薄，口感清甜爽脆
- 花竹虾、秋葵配柚子面豉酱: 花竹虾几弹牙，食落浓香得黎带点柚子清香，味道层次丰富
- 蕃茄配冲绳水云: 蕃茄几鲜甜，水云黏滑，加入醋酸酸甜甜，好开胃
7款刺身- 深海池鱼: 肉质鲜嫩细致，油脂丰腴，入口甘香鲜甜。可以点酸汁或者豉油加wasabi食，能提升鱼肉嘅鲜味
- 北海道紫针海胆: 原只新鲜上😍 味道清雅鲜甜、入口即化，令人再三回味好想encore呀！
- 沙甸鱼: 师傅用紫菜将沙甸鱼、黄萝卜、紫苏叶及芽葱卷起来，整成色彩缤纷嘅沙甸鱼卷😋 鱼肉鲜美爽甜，食落唔觉得太油腻，反而仲丰富咗口感
- 北海道昆布森生蚝: 生蚝肥美饱满，一啖入口滑溜，配土佐醋啫喱，令生蚝嘅味道更浓厚鲜甜，叫人食指大动
- 银鳕鱼: 第一次食刺身级别嘅银鳕鱼，口感有别于平时。鱼肉肉质雪白肥美，油香丰盈，配上食用菊花、紫苏花及面鼓醋同食，除可中和油腻感，又可提升银鳕鱼嘅鲜味
- 中拖罗: 鱼味浓郁，并以竹炭盐取代鼓油，夹住紫苏叶一齐食来增添鲜味，加倍美味
- 炙烧吞拿鱼鲛: 经炙烧过嘅吞拿鱼鲛油份十足，鱼味特别浓郁，入口即化，甘香油润
- 北海道毛蟹: 面层嘅蟹脚肉肉质细致，味道浓郁，鲜甜无比！底层则系蟹身混和了蟹膏，蟹香味更为突出
大蚬清汤食寿司前先上咗碗大蚬清汤~ 配料有大大只蚬、昆布、舞茸菇等，味道好鲜甜🤤 饮完汤清一清味蕾、抖一抖再食寿司，呢个安排几好💯
6种寿司- 沙鮻鱼: 肉质细致，添加姜蓉令鱼味更有层次
- 石桓贝: 师傅即时拍打令肉质更厚实，口感爽脆甘甜
- 𫚕鱼: 油脂丰腴，口感细嫩、鲜味十足
- 缟虾: 虾肉清爽富弹性。师傅将虾膏烧香，再加入寿司饭里，满口都系缟虾嘅浓郁鲜味
- 马粪海胆: 唔洗多讲，满满嘅海胆，入口creamy甘甜，劲满足！
- 鲭鱼: 第一次食刺身级嘅鲭鱼，估唔到有惊喜🙈 鱼肉肉质结实，鱼味浓郁。师傅喺面层上放咗紫苏叶、芝麻同白昆布，又几夹几好味㖞，油香而不腻
食完寿司后再上和食 - 天妇罗共4件，有门鳝、茄子、青椒及蕃薯，都系来自日本不同嘅地区。天妇罗炸得好出色，油温控制得几好，咬落香脆而唔油腻。点少少由师傅自家调嘅咖哩盐更添风味，令人一试爱上😍
面豉汤最后来碗浓厚、热辣辣嘅面豉汤暖下胃、解下腻就最适合不过
宇治抹茶奶冻奶冻质地香滑细腻，奶香十足。值得一赞系个抹茶酱，香浓得黎唔苦涩👍 配埋粒软糯黑豆作了个甜美的终结
今晚呢餐我同朋友相当满意，食物质素水准高，而且味道不俗，值得再访😆
张贴
