翠林辣蟹舫

高质高性价比蟹舫，一食难忘～～～收工好友话带我去食好西，呢间系尖嘴地铁站附近嘅蟹舫，一直想食好耐，朋友话今日落大雨先可以即日book到，搞到我鬼咁期待。🥢～～～餐厅俾我哋安排咗一张好大嘅二人枱，喺窗边附近位置，环境几好坐。香片非常浓郁清甜，暖暖胃之后就开始叫野食。～～～佢哋真系做紧好多八折优惠小菜，价钱好抵食，叫咗四样嘢，人均都唔使500蚊，难怪见到就算大雨天都人流源源不绝。～～～#孜然鸡球：🐥鸡肉外脆内软，孜然香气浓郁，薄切🥔薯仔片亦系非常高质，索咗鸡油同孜然味，令人欲罢不能，碟底干爽，无过多油。～～～#蒜泥白肉 ：58蚊嘅呢一个前菜实在系抵食之选，用上花椒调味，片片白肉香香辣辣，加上条条细腻青瓜丝，份量多且味道佳，听到好多台都有叫。～～～#黑白胡椒蟹：嚟到呢度梗系要叫返只🦀蟹嚟食吓，呢味黑白胡椒蟹，大大只，打卡一流，蟹肉扎实，食得出非常新鲜，黑白胡椒味道调配恰到好处，啜手指之作，招牌果然有招牌嘅风范。～～～#飞天啫啫通菜：一上枱就闻到浓浓镬气，翠绿通菜，加上肉粒、虾肉、虾干、椒丝芹菜等等，啖啖香口，非常下饭，配搭啤酒🍺，亦系一绝。～～～翠林辣蟹舫 尖沙咀亚士厘道24-38号天星大厦