魚鮮生刺身專門店 (已結業)

鱼鲜生，一间充满日本风味既日式刺身转门店，店舖位于登龙街，店面唔算大，不过入面好有居酒屋既感觉。茶单系用木板同布制成，好特别。需要Menu选择唔多，但系每一样都吸引，我地就点左鲜活赤形味丼同本鲔丼。鲜活赤形味丼入面既刺身真系超丰富，活赤贝同帆立贝超爽甜，带子超大只而且好新鲜，广岛蚝啖啖肉非常肥美，海胆系我既至爱，份量仲要咁多，未食已经流哂口水啊🤤🤤🤤本鲔丼由相当新鲜既上拖罗同中拖罗制成既丼饭，鱼生既份量盖满成碗饭，每一块拖罗都充满鱼油既香味，入口即溶，好满足☺️☺️☺️每个套餐仲有附上一碗好清甜既海带蚬肉汤同芝麻酱冻豆腐。虽然价钱上唔算得平，不过有咁既质素绝对系对得住依个价啊！