粋

营业中

休息中

平时食omakase，都一定会去中环铜锣湾，今次特登试下尖沙咀呢间新开嘅厨师发板。入到门口已经觉得装修好型，私隐度又高，坐得好舒服。由于疫情关系，餐厅消毒都做得好足，每位客人枱面都有一支消毒搓手液。坐低之后，师傅已经好亲切咁问我有咩唔食，同时喺餐前亦都准左左几份前菜（辣椒蒜头、姜、腌萝卜，仲有最特别嘅日本炸菜！）终于入正题啦！！！！！头盘已经令我眼前一亮！好味得黎又做得十分精致！尤其是海胆薯蓉 简直系一绝，本人十分喜爱！之后既第一道菜，季节刺身四点-帆立贝、粒贝，白子，同埋日本山葵做佐菜。季节料理品-真蚝上面加上土佐啫喱同晴王提子粒，仲有个腌制过嘅特制八爪鱼🐙又林又软熟。去到第二道季节料理-剥皮鱼加上剥皮鱼肝酱，呢个真系不得了！，烧金木鲷 油份充足，最后加上 青柠啫喱 清一清口最后一味，季节料理-香箱蟹 蟹肉蟹膏，加上一片锅巴同时加上香箱蟹精华煮既蟹膏酱，全部一齐食既时候，蟹味非常浓郁。最后仲有六件寿司🍣作结尾，件件都各有特色，鱼味浓郁，完全食得出师傅既精心铺排同处理不同鱼类既技巧。总括而言，系性价比极高既一餐！！必定会再光顾！