相馬日式火鍋 (已結業)

依家餐厅做紧无限时嘅任食火锅放题，超级吸引，劲丰富劲多嘢食！先试下佢地香气四溢既胡椒花胶汤，花胶浸系浓郁既汤底入面，胶质满满，非常浓味，超级好味！之后就试下任食既羊腩煲，羊腩非常新鲜，羊肉肉质鲜嫩多汁，食一啖令人彷佛置身于大草原既自由之中，汁浓味香，劲好食！同样任食仲有唔同嘅肉类，其中进口牛肉都系任食，牛肉质地鲜嫩，口感滑爽，肥美香嫩，每一啖牛肉都充满佐浓郁既香气，牛味十足！而对于海鲜爱好者黎讲，海鲜都系任食，无论系鲜嫩多汁既海虾，定系鲜美可口既青口、蚬、生蚝或者东风螺，餐厅都都应有尽有。每一啖海鲜都带到满满既幸福感！同时其他炸物串烧都系任食，即叫即整，好新鲜！