喰楽

营业中

休息中

上个月去咗食呢间位于观塘骆驼漆大厦入面嘅寿喜烧，分咗两间店舖，一间得四张枱，所以假日最好都系book咗位先黎食😆Menu得三个套餐，每个餐只系肉类嘅分别，可以试到几个唔同部位嘅和牛，其他都一样系配埋前菜、饭、同埋甜品💕小编唔识评价肉🫢menu上冇讲边个餐系包含边种肉，而店员都只系系烧之前轻轻介绍咗个名一次，食完都唔记得系边个部位😂不过和牛嘅油脂分布好靓，摆落口有入口即融嘅感觉😋，同埋唔同部位有佢嘅软韧度之分，有啲会比教油腻。值得一赞嘅系，我本来以为店员只系会烧头一块肉，点知系serve足全程，全足都好好态度，五星级服务🌟👍🏻👍🏻👍🏻但系如果想要有啲私隐，比较怕丑嘅人，可能呢间餐厅未必适合😹😹🤣本来以为得一碗白饭仔，但系我唔够食🙊就嗌多咗一碗饭，点知食到后面仲有个湿炒饭，好饱好饱但系都食晒😋最后仲有个是日甜品，系豆腐雪糕🍦香甜得黎又唔会漏。✏️ 估唔到系工业大厦入面有间咁高质嘅餐厅！以为观塘都系主打平靓正嘅平民美食多🤣 呢间食寿喜烧嘅餐厅surprise到我，价钱算系中等但食物非常高质，环境舒服唔会逼，确保每一位顾客都可以有优质嘅服务❤️