鼎爺私房菜 (已搬遷) 新店位置

宜家政府全面🈲堂食，全民叫外卖可能饿到打鼓都仲等紧🤬依家只要安座家中就食到由鼎爷私房菜监制嘅家常小菜同阿爷靓汤。每盒都经真空冷冻处理，只要简单加热就食得😋💗山药红枣生地白鸭法斑汤($108)拥有白滑肌肤系所有女士嘅梦想，呢个汤就啱哂啦😍山药益气养阴，补脾肺肾；白鸭就有滋阴补虚之效，同时杞子同红枣可以养颜补血气，有淡斑美白效果！ 只要放入滚水加热 5分钟就饮得。味道冇普通药材汤咁甘苦，微微清甜较容易接受，汤面撇油功夫做得好，而且汤料都几足🍲💗鲍汁扣去骨鹅掌拼花菇($98)鹅掌由人手去骨，再用鲍汁同花菇一齐扣煮，  只要放入滚水加热 10 分钟就食到平时「去饮」嘅菜式。花菇大只厚肉，食落爽口软稔🍄；鹅掌冇炆到溶溶烂烂，啖啖肉依然有咬口，口感滑嫩富骨胶原🦆。两者都吸收哂鲜味咸香嘅鲍汁，非常入味🤤